2Maû 18:11 - ÎVUKU RÎA ÛVORO MWARO

¹¹ Arathi acio engî wa nao maarathaga wa ûguo, na nîmaaugire atîrî, “Thiîni mûkatharîkîre îtûûra rîa Ramothi-gileadi na nîmûkûvootana. Ngai-Mûnene nîagûtûvotithia kûvootana.”

2Maû 18:11 ပူးပေါင်းရင်းမြစ်များ

1Atha 4:13

Benigeberi aathanaga îtûûrarî rîa Ramothi rîrîa rîarî Gileadi na icagi cia Gileadi cia mûvîrîga wa Jairi. Jairi aarî wa rûciaro rwa Manase. Nwa wathaga vûrûri wa Arigobu kûrîa Bashani na kûu nîkuo kwarî na matûûra mîrongo îtandatû marîa manene mairigîrîtwe na nthingo, na ivingo ciathondeketwe na cuuma cia gîcango.

2Maû 18:10

Nake mûrathi ûmwe wetagwa Zedekia, mûvîcî wa Kenaana nîwarûthire mvîa cia cuuma na akîra Ahabu atîrî, “Ngai-Mûnene augîte atî, ‘Mvîa ino nîcio ûgaatûmîra kûrûa na andû a Sîria nginya ûmathirie viû.’ ”

2Maû 18:12

Nake mûnjaama ûrîa watûmîtwe agete Mikaia nîwamwîrire atîrî, “Tathikîrîria, arathi acio engî onthe nîmarathîrîte mûthamaki maûndû maro, wa nawe rathîra mûthamaki maûndû maro ta arathi acio engî.”

2Maû 18:5

Kwoguo mûthamaki Ahabu nîwagomanirie arathi ta magana mana (400) vamwe na akîmaûria atîrî, “Nîtwagîrîrwe nî kûthiî kûtharîkîra îtûûra rîa Ramothi-gileadi kana tûtiagîrîrwe?” Nao nîmaamûcokerie atîrî, “Thiî ûkarîtharîkîre. Ngai nîagûkûvotithia kûrîvoota.”

Mika 3:5

Ûvororî wîgiî arathi arîa mavîtithagia andû akwa; arathi arîa marathaga thayû rîrîa mavewa kîndû, nwatî makamarathîra mbaara rîrîa matavetwe kîndû.” Ngai-Mûnene arauga atîrî,

Juda 1:16

Vîndî cionthe andû acio nîmanugunaga na makegwatia andû arîa engî. Nîmarûmagîrîra merirîria mao macûku. Nîmeganaga na makaveenereria andû arîa eengî nîguo megune o ene.

Kûguû 19:20

Nayo nyamû nîyanyitirwe wa vamwe na mûrathi wa maveeni ûrîa waringaga ciama îrî vo. (Na njîra ya ciama icio, mûrathi ûcio wa maveeni nîwavîtithirie arîa maarî na rûûri rwa nyamû na maagoocete mûvuanano wayo.) Nyamû îo na mûrathi ûcio wa maveeni nîmaaikirue marî mwoyo îriarî rîa mwaki ûrîa wakanaga na ûviriti.