2Maû 17:9 - ÎVUKU RÎA ÛVORO MWARO

⁹ Nîmoocire îvuku rîa watho wa Ngai-Mûnene na makîthiî makîthomithagia andû matûûrarî monthe ma Juda.

2Maû 17:9 ပူးပေါင်းရင်းမြစ်များ

2Maû 15:3

Aisiraeli maatûûrîte kavinda karaca matarî na Ngai ûrîa wa ma, na matarî na mûthînjîri-Ngai wa kûmathomithia na matarî na watho.

2Maû 19:8

Îtûûrarî rîa Jerusalemu Jehoshafati nîwathuurire Alawi, athînjîri-Ngai na atongoria a mbarî cia Isiraeli matuîke a gûtuithanagia maciira vandûrî va Ngai-Mûnene rîrîa andû mavîtanîtie. Andû acio maatûûraga Jerusalemu.

2Maû 35:3

Nîwerire Alawi arîa maathomithagia andû onthe a Isiraeli na maamûrîrîtwe Ngai-Mûnene atîrî, “Igani îthandûkû rîa kîrîkanîro kîtheru hekarûrî îrîa Solomoni mûvîcî wa Daudi, mûthamaki wa Isiraeli aatumire. Mûtikaarîkuue kuuma gûkû kûthiî kûndû kwîngî na ituro cienyu rîngî. Rîu tungatagîrani Ngai-Mûnene, Ngai wenyu na andû ake a Isiraeli.

Nehemia 8:7

Alawi aya nîmaatethererie andû gûtaûkîrwa nî watho: Jeshua, Bani, Sherebia, Jamini, Akubu, Shebethai, Hodia, Maaseia, Kelita, Azaria, Jozabadi, Hanani, na Pelaia. Vîndî îo andû maarûngamîte wa vau maarî.

Isaia 8:20

Mûgaacokeria andû acio atîrî, “Thikîrîriani ûrîa Ngai-Mûnene aramûthomithia! Mûtikathikîrîrie ago, nîûndû matiaragia ûma.”

Malaki 2:7

Wîra wa athînjîri-Ngai, nî kûthomithia andû kîrîra Kîam ma Kîam Ngai, na kûthomithia andû maûndû marîa mendaga meke; nîûndû o nîo anjaama a Ngai-Mûnene mwene vinya wonthe.

Mathaayo 10:23

Na rîrîa mue mûkaanyarirwa mûrî îtûûrarî rîmwe, mûkaaûra mûthiî îtûûrarî rîrîa rîngî. Nîramwîra na ma atî mûtikaarîkia wîra wenyu matûûrarî monthe ma Isiraeli Mûrû wa Mûndû atarî mûku.

Mathaayo 11:1

Na rîrîa Jesû aarîkirie kûthomithia arutwa ake arîa îkûmi na aîrî, nîwaumire kûu na akîthiî kûthomithia na kûvunjia matûûrarî marîa maarî gûkuvî na kûu.

Johana 5:39

Mue mûthomaga Mandîko Matheru nîûndû mwîciragia atî mwamathoma nîmûkûgîa na mwoyo wa tene na tene. Mandîko Matheru maragia ûvoro ûmbîgiî.

Johana 5:46

Kethîrwa na ma mue nîmwetîkîtie Musa, wa nanie nîmûngîmbîtîkîtie, nîûndû ke aandîkire ûvoro ûrîa ûmbîgiî.

Ciîko 13:15

Na rîrîa icunjî kuuma Wathorî wa Musa na mandîkorî ma arathi ciarîkirie kûthomwa, atongoria a îvoero nîmaatûmanire Paûlo na Baranaba meerwe atîrî, “Ariû a îthe wetû, ethîrwa mue mûrî na ciugo mûngîûmîrîria andû aya nacio, maarîrieni.”

Ciîko 15:21

O matiagîrîrwe nî gwîka maûndû mama nîûndû Watho wa Musa nîwîthîrîtwe ûkîthomithanua matûûrarî monthe kwa îvinda îraca. Watho ûcio nwa ûthomagwa mavoerorî mûthenya wa wonthe wa thavatû.”

Ciîko 28:23

Kwoguo Paûlo na atongoria acio a Ayahudi nîmaathuurire mûthenya wa gûcemania. Na rîrîa mûthenya ûcio wakinyire, andû eengî mûno a Kîyahudi nîmaathiîre kûrîa Paûlo eekaraga. Nake Paûlo nîwamaarîrie kuuma kîraûko nginya ûtukû. Ke nîwatûmîre Watho wa Musa na mandîko ma arathi akîmataarîria ûvoro wîgiî Ûthamaki wa Ngai. Nîwageririe kûmonithia metîkie ûvoro wîgiî Jesû.

Ciîko 8:40

Nake Filipu nîweîthîre arî îtûûrarî rîetagwa Azotu. Nake nîwaumire Azotu na akîthiî akîvunjagia Ûvoro Mwaro matûûrarî monthe nginya agîkinya Kaisarea.

Aroma 3:2

Kûrî vata mûno! Ûndû wa mbere, Ayahudi nîo mevokeretwe ndûmîrîri nî Ngai.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.