2Maû 17:2 - ÎVUKU RÎA ÛVORO MWARO

² Nîwaigire ikundi cia athigari matûûrarî monthe ma Juda marîa maarî mairigîre, mîenarî îrîa îngî ya vûrûri wa Juda na matûûrarî ma vûrûri wa Efiraimu marîa îthe Asa aanyitîte.

2Maû 17:2 ပူးပေါင်းရင်းမြစ်များ

2Maû 11:5

Rehoboamu aatûûraga Jerusalemu na nîwatumire matûûra marî na nthingo nene nîûndû wa kûgitîra matûûra ma Juda.

2Maû 13:19

Abija nîwarûmîrîrie athigari a mbaara a Jeroboamu na nîwatavire matûûra ma Betheli, Jeshana na Efironi vamwe na icagi irîa ciarî vakuvî na matûûra mau.

2Maû 15:8

Rîrîa mûthamaki Asa eegwire ûrathi ûrîa warirue nî Azaria mûvîcî wa Odedi, nîwagîre na ûmîrîru. Nîwarutire mîvuanano yonthe îrîa yarî vûrûrirî wa Juda na wa Benjamini na îrîa yarî matûûrarî monthe marîa aatavîte vûrûrirî ûrîa ûrî irîma wa Efiraimu na agîtuma rîngî metha ya kîgongoona ya Ngai-Mûnene îrîa yarî kîvarorî Kîam hekarû.

2Maû 17:19

Athigari acio onthe maatungatagîra mûthamaki marî Jerusalemu, kwongerera athigari engî arîa mûthamaki aaigîte matûûrarî marîa maarî mairigîre vûrûrirî wonthe wa Juda.

2Maû 17:3

Ngai-Mûnene nîwarathimire Jehoshafati nîûndû nîwarûmîrîre mîtugo îrîa îthe Asa aarî nayo. Jehoshafati ndaagooca Baali.