2Maû 17:16 - ÎVUKU RÎA ÛVORO MWARO

¹⁶ wa kathatû aarî Amazia mûvîcî wa Zikiri, arî mûnene wa athigari njamba a mbaara ngiri magana maîrî (200,000). Amazia eevecanîte gûtungatîra Ngai-Mûnene na njîra ya kwîyendera.

2Maû 17:16 ပူးပေါင်းရင်းမြစ်များ

1Maû 29:14

“Nwatî nîrî û nie na andû akwa nî arîkû atî nîguo tûkûrutîre na ûtana? Indo cionthe ciumaga kûrî we na twagûcokeria irîa watûveere.

1Maû 29:17

Ngai wakwa, nîmbicî atî nîûtuîragia ngoro cia andû na nîûkenaga vîndî îrîa andû marûtha maûndû marîa magîrîrîte. Indo ino cionthe naruta ngenete na ngoro yakwa na nîrî na wendo, na nînîrona ûrîa andû aku arîa magomanîte ava makûretera matega mao makenete.

1Maû 29:9

Andû nîmaakenire nîûndû wa ûrîa andû maarutire indo na njîra ya kwîyendera. Mûthamaki Daudi wanake nîwakenire mûno.

2Maû 17:15

Wa kaîrî ûnenerî aarî Jehohanani, ûrîa warî mûnene wa athigari a mbaara ngiri magana maîrî ma mîrongo înana (280,000),

2Maû 17:17

Nake mûnene wa athigari a mbaara kuuma mbarî cia Benjamini eetagwa Eliada. Eliada aarî mûthigari njamba na aarî na athigari a mbaara ngiri magana maîrî (200,000) arîa maarî na moota na ngo.

Thaburi 110:3

Mûthenya ûrîa ûkaathiî kûrûa na nthû ciaku, andû aku nîmakevecana na njîra ya kwîyendera. Ta ûrîa îme riumaga kîraûko tene, nîguo anake aku magaaûka kûrî we irîmarî irîa nyamûre.

2Akor 8:12

Ethîrwa mûrî na wendi wa kûvecana, Ngai akaamûkîra kîveo kîenyu kûringana na ûrîa mûndû akûvecana kîrîa arî nakîo, tî kîrîa atarî nakîo.

Atir 5:2

Ngai-Mûnene arokumua! Aisiraeli maarî erutîru kûrûa; Andû nîmeerutîre makenete.

Atir 5:9

Ngoro yakwa yerekerete atongoria a Isiraeli, arîa meerutîre makenete gatagatîrî ka andû. Ngai-Mûnene arokumua!