2Maû 17:12 - ÎVUKU RÎA ÛVORO MWARO

¹² Mûthamaki Jehoshafati nîwathiîre na mbere kûgîa na vinya mûno vûrûrirî wa Juda. Nîwatumire matûûra marî na nyomba cia kwigwa indo na akîmairigîra na rûthingo.

2Maû 17:12 ပူးပေါင်းရင်းမြစ်များ

1Maû 29:25

Ngai-Mûnene nîwatûmire Solomoni avewa gîtîîo mûno nî andû onthe a Isiraeli, na agîtûma agîa ngumo mûno gûkîra athamaki arîa maarî mbere yake vûrûrirî wa Isiraeli.

2Maû 17:11

Afilisiti amwe nîmaavirîre Jehoshafati iveo, na sîlûva nyîngî. Nao Aarabu nîmaamûvirîre ndûrûme ngiri mûgwanja cia magana mûgwanja (7,700) na nthenge ngiri mûgwanja cia magana mûgwanja (7,700).

2Maû 17:13

Kwoguo Jehoshafati aarî na nyomba nene cia kwigwa indo kûu vûrûrirî wa Juda. Jerusalemu nîwaigire athigari a mbaara arîa maarî na ûûgî mwîngî wa mbaara.

2Maû 18:1

Rîrîa Jehoshafati mûthamaki wa Juda aagîre na ûtonga mwîngî na akîgîa na îgweta, nîwavangire mûndû wa mûciî wake arûthe ûviki na mûndû wa mûciî wa Ahabu, mûthamaki wa Isiraeli.

2Maû 26:10

Wana nîwatumire nyomba ndaca werûrî na akînja iriko nyîngî cia manjî kuo nîûndû aarî na ndîthia nyîngî kûu Shefela na kûndû kûrîa kwarî kwaraganu. Aarî na andû maarutaga wîra mîgûndarî ya mîthavibu irîmarî na kûndû kûrîa kwarî kûnoru nîûndû nîwendeete kûrîma mûno.

2Maû 27:4

Nîwatumire matûûra vûrûrirî ûrîa ûrî irîma wa Judea, na agîtuma nyomba cia kwîgitîra na nyomba ndaca na îgûrû mîtitûrî.

2Maû 32:5

Hezekia nîwarutire wîra na vinya wa gûtuma rîngî rûthingo rwa Jerusalemu kûrîa rwarî rwomomoku na agîtuma nyomba ndaca na îgûrû cia arangîri rûthingorî rûu. Nîwatumire rûthingo rwa kaîrî mwena wa nja wa rûthingo rûu na agîtuma kûndû kûrîa gwecûrîtue mûthetu mwena wa îrathîro wa îtûûra rîa Daudi nîguo kûgîe na vinya. Wana nîwarûthire ngo na indo nyîngî cia mbaara.

Ntha 1:11

Kwoguo andû a Misiri nîmaaigire anene a ngombo nîguo mavinyîrîrie andû a Isiraeli na njîra ya kûmarutithia wîra mûmû. Nao andû a Isiraeli nîmaatumire matûûra manene metagwa Pithomu na Ramesesi ma kwigagwa indo nî mûthamaki.