2Maû 16:9 - ÎVUKU RÎA ÛVORO MWARO

⁹ Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 16:9 ပူးပေါင်းရင်းမြစ်များ

Kîam 31:28

Nîndûî gîatûmire ûrege tuganîre ûvoro na tûcûcû twakwa vamwe na erîtu akwa? We wekire ûndû wa ûrimû!

2Sam 24:10

Daudi arîkia gûtara andû, nîwambîrîrie kûthînua nî thamiri yake, na nîwerire Ngai-Mûnene atîrî, “Nînjîvîtie mûno nîûndû wa ûguo mbîkîte! Nakûthaitha ûnjovere, nîûndû mbîkîte ûguo na ûrimû.”

1Atha 15:32

Asa, mûthamaki wa Juda na Baasha, mûthamaki wa Isiraeli maatûûraga marûaga îvindarî rîao rîonthe rîrîa maarî athamaki.

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

1Maû 21:8

Nake Daudi nîwerire Ngai atîrî, “Nînjîvîtie mûno nîûndû wa ûndû ûyû mbîkîte! Nakûthaitha ûnjovere, nie ndungata yaku nîûndû mbîkîte ûguo nîûndû wa ûrimû.”

2Maû 15:17

Wana ethîrwa Asa ndaacûkangia kûndû kuonthe kûrîa kwagoocagîrwa ngai cia mîvuanano vûrûrirî wa Isiraeli, ke aarî mwîvokeku kûrî Ngai-Mûnene ûtûûrorî wake wonthe.

2Maû 15:19

Gûtiethîrwa na mbaara rîngî nginya mwakarî wa mîrongo îthatû na îtano (35) ya wathani wa Asa.

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

2Maû 19:9

Nîwamerire atîrî, “Rutagani mawîra mau monthe mûgîîtigagîra Ngai-Mûnene na mûkîmwathîkagîra mûrî na wîvokeku na ngoro yonthe.

2Maû 6:20

Menyagîrîra hekarû îno ûtukû na mûthenya nîûndû nîweranîre atî gûkû nîkuo ûkaagoocagîrwa. Îgucaga mavoya makwa rîrîa ngûkûvoya mberekerete hekarû îno.

Ezira 5:5

Nwatî Ngai nîwamenyagîrîra atongoria a Ayahudi, na anene a thirikari ya Perisia nîmaatuire matigeke ûndû wana ûrîkû matambîte kûmenyithia mûthamaki Dario, na macoke manyite macokio make.

Ayubu 28:24

Nîûndû ke onaga nginya mûthiia wa nthî, na akona kîndû kîonthe kîrîa kîrî gûkû nthî.

Ayubu 31:4

Ngai nîecî njîra ciakwa, na akamenya ciîko ciakwa cionthe.

Ayubu 34:21

“Metho make maroragia mîthiîre ya andû, na nîonaga mîthiîre yao yonthe.

Thaburi 113:6

nwatî nîenamagîrîra akaroria nthî, nîguo one îgûrû na nthî.

Thaburi 33:14

Kuuma gîtîrî gîake Kîam ûthamaki nîaroragia gûkû nthî, nîaroragia andû onthe arîa matûûraga nthî.

Thaburi 33:15

Nîke ûmbîte ngoro ciao onthe, na nîaicî maûndû monthe marîa mekaga.

Thaburi 33:18

Ngai-Mûnene nîaroragia arîa mamwathîkagîra, arîa mevokete wendo wake ûtathiraga.

Thaburi 34:15

Ngai-Mûnene aroragia andû arîa athingu, na nîathikagîrîria kîrîro Kîamo.

Thaburi 37:37

Taroria andû arîa aro, na athingu; andû arîa marî thayû marî njiarwa nyîngî.

Nthi 15:3

Ngai-Mûnene onaga kûndû kuonthe; nîonaga rîrîa andû mareka maûndû macûku na rîrîa mareka maûndû maro.

Nthi 5:21

Ngai-Mûnene ethagîrwa aroretie mîthiîre ya mûndû, na nîonaga njîra ciake cionthe.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Jeremia 16:17

Nie nîmonaga maûndû monthe marîa mekaga; gûtirî ûndû mangînthitha. Nîmonaga mevia mao monthe.

Jeremia 32:19

We nîûvangaga maûndû na ûûgî na ûgeka maûndû ma vinya. Nîwonaga mîthiîre ya andû onthe na ûvecaga mûndû kûringana na wîra wake.

Jeremia 5:1

Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Jeremia 5:21

Thikîrîriani mue irimû na andû aritu, mûrî na metho, nwatî mûtionaga, mûrî na matû, nwatî mûtiîgucaga.

Jeremia 5:3

We Ngai-Mûnene na kinthî we ndûcaragia kîvooto? We nîûmarivîte nwatî matiîgucaga ûrûrû, we nîûmavîvîtie na mwaki makathira, nwatî nîaregu kûrûngwa. Maûmîtie ngoro gûkîra îthiga; nîmaregete kûvera mevia mao.

Zakaria 4:10

Mûtikaanyarare ûndû ûrîa wambagîrîria na njîra nini, nîûndû Ngai-Mûnene akenagua nî wîra rîrîa ûrathiî na mbere. Andû nîmagaakena mona Zerubabeli akîmîtuma. “Taa icio mûgwanja nî metho ma Ngai-Mûnene marîa aroragia nthî yonthe namo.”

Mathaayo 5:22

Nwatî rîu nîramwîra atî, mûndû wa wonthe ûrakaraga nî ûndû wa mûrwang'ina nîagaatuîrwa, na mûndû wa wonthe ûrumaga mûrwang'ina nîagaacirithua nî Kîamma, na mûndû wa wonthe wîtaga ûrîa wîngî, ‘Kîrimû gîkî!’ nîagaaikua mwakirî wa îcua.

Luka 12:20

Nwatî Ngai nîwamwîrire atîrî, ‘We kîrimû gîkî! Ûtukû wa ûmûnthî nî ûkûnenganîra mwoyo ûcio waku. Kwoguo, nî ûrîkû ûkûnyita îgai rîu rîa indo ciaku?’ ”

1Akor 15:36

We kîrimû gîkî! Vîndî îrîa wavanda mbegû nwa nginya îkue mbere ya kûmera.

Agal 3:1

Mue Agalatia aya aritu! Nû wamûrogire? Nîmwataarîrue waro ûrîa Kristû aakwire arî mûtharavarî.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.

1Pet 3:12

Nîûndû Mwathani nîaroragia andû arîa athingu, na akathikîrîria mavoya mao; nwatî nîareganaga na eki naaî.”

1Sam 13:13

Nake Samueli nîwerire Saûlo atîrî, “Ûcio nî ûrimû wîkire, we ndûnathîkîra rîathani rîrîa Ngai-Mûnene, Ngai waku aakwathire wathîkagîre. Kethîrwa we nîwathîkire, Ngai-Mûnene nîangîatûma we mûrî na andû a mûciî waku mûtuîke athamaki a andû a Isiraeli tene na tene.