2Maû 16:7 - ÎVUKU RÎA ÛVORO MWARO

⁷ Kavindarî wa kau, mûrathi Hanani nîwathiîre kûrî mûthamaki Asa na akîmwîra atîrî, “Nîûndû we ûronire atî nwa wîvokire mûthamaki wa Sîria gûkîra kwîvoka Ngai-Mûnene, Ngai waku, athigari a mbaara a mûthamaki wa Sîria nîmagûtiganîria.

2Maû 16:7 ပူးပေါင်းရင်းမြစ်များ

1Atha 15:19

“Tiga tûgwatanîre wata ûrîa aa vava maagwatanîrîte. Kîveo gîkî gîa sîlûva na thaavu nîkîo nagûtûmanîra; rîu thiî ûthûkie ngwatanîro yenyu na Baasha, mûthamaki wa Isiraeli, nîguo atige kûntharîkîra.”

1Atha 16:1

Ngai-Mûnene nîwatûmire mûrathi Jehu mûvîcî wa Hanani kûrî Baasha akamwîre atîrî,

1Atha 16:7

Ndûmîrîri îo yatûmanirwe nî Ngai-Mûnene kûrî Baasha na andû a nyomba yake, yavecanirwe nî mûrathi Jehu mûvîcî wa Hanani nîûndû wa mevia marîa Baasha eekîte mbere ya Ngai-Mûnene. Baasha aarakaririe Ngai-Mûnene nîûndû wa maûndû macûku marîa eekire wata marîa mûthamaki Jeroboamu eekîte, wa vamwe na kûûraga andû onthe a nyomba ya Jeroboamu.

2Atha 18:5

Hezekia nîwetîkîtie Ngai-Mûnene, Ngai wa Isiraeli. Kûu Juda gûtiarî kwanagîa mûthamaki wîngî wekariî take gatagatîrî ka athamaki onthe arîa maarî mbere yake, wana kana arîa maatuîkire athamaki vuva wake.

1Maû 5:20

Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

2Maû 13:18

Kwoguo kavinda kau athigari a Isiraeli nîmaavootirwe. Nao athigari a Juda maavootanire nîûndû nîmeevokire Ngai-Mûnene, Ngai wa methe mao.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 16:6

Mûthamaki Asa nîwacokire akîgomania vamwe arûme onthe a Juda na nîmaathiîre Rama na magîkuua mathiga na mbaû irîa Baasha aatûmagîra gûtuma Rama. Nîmaatûmîre mathiga mau na mbaû kwirigîra îtûûra rîa Geba na Mizipa.

2Maû 19:2

Nwatî mûrathi Jehu mûvîcî wa Hanani, nîwathiîre kûmûtûnga na akîmwîra atîrî, “Ûreciria nî kwagîrîrîte ûgatethie andû arîa aganu na ûkagwatanîre na arîa mathûrîte Ngai-Mûnene? Ûguo ûrekire nîûratûmire Ngai-Mûnene arakare nîwe.

2Maû 20:32

Jehoshafati nîwarûmîrîre mîthiîre ya îthe Asa na nîwekaga maûndû marîa maarî magîrîru mbere ya Ngai-Mûnene.

2Maû 20:34

Maûndû mau mengî marîa mûthamaki Jehoshafati eekire kuuma Kîammbîrîria nginya mûthiia nîmandîke rûganorî rwa Jehu, mûvîcî wa Hanani. Na nîmandîke îvukuurî rîa maûndû ma tene ma athamaki a Isiraeli.

2Maû 24:24

Wana ethîrwa athigari a mbaara a Sîria maarî anini, Ngai-Mûnene nîwatûmire mavoote athigari eengî a Juda nîûndû andû a Juda nîmaatiganîrîtie Ngai-Mûnene, Ngai wa methe mao. Ûguo nîguo mûthamaki Joashi aaverithirue.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Isaia 39:3

Mûrathi Isaia nîwacokire akîthiî kwa Hezekia na akîmûria atîrî, “Andû aya makwîra atîa na maumîte kû?” Hezekia nîwacokirie atîrî, “Maûka kûrî nie maumîte Babuloni vûrûri wa kûraca.”