2Maû 16:6 - ÎVUKU RÎA ÛVORO MWARO

⁶ Mûthamaki Asa nîwacokire akîgomania vamwe arûme onthe a Juda na nîmaathiîre Rama na magîkuua mathiga na mbaû irîa Baasha aatûmagîra gûtuma Rama. Nîmaatûmîre mathiga mau na mbaû kwirigîra îtûûra rîa Geba na Mizipa.

2Maû 16:6 ပူးပေါင်းရင်းမြစ်များ

1Atha 15:16

Asa mûthamaki wa Juda na Baasha, mûthamaki wa Isiraeli maatûûraga marûaga îvindarî rîao rîonthe rîrîa maarî athamaki.

1Atha 15:22

Mûthamaki Asa nîwacokire akîathana Juda kuonthe na akiuga andû onthe, gûtarî wanarî mûndû ûmwe ûgûtigwa, mathiî magakuue mathiga na mbaû irîa mûthamaki Baasha aatumaga rûthingo rwa Rama nacio. Asa nîwatûmîre indo icio gûtuma Mizipa na Geba, matûûra marîa marî vûrûrirî wa Benjamini.

1Maû 6:60

Nakuo vûrûrirî wa Benjamini nîmaagaîrwe matûûra mama marûmîrîrîte vamwe na kûndû gwa kûrîthua, kûrîa kûmathiûrûrûkîrîtie. Matûûra mau nî: Geba, Alemethi na Anathothi. Matûûra monthe marîa mbarî ya Kohathu yagaîrwe maarî îkûmi na mathatû.

2Maû 16:5

Rîrîa mûthamaki Baasha eegwire ûrîa gwekîkîte, nîwarûngamirie wîra wa kwirigîra îtûûra rîa Rama na agîtiganîria wîra ûcio.

2Maû 16:7

Kavindarî wa kau, mûrathi Hanani nîwathiîre kûrî mûthamaki Asa na akîmwîra atîrî, “Nîûndû we ûronire atî nwa wîvokire mûthamaki wa Sîria gûkîra kwîvoka Ngai-Mûnene, Ngai waku, athigari a mbaara a mûthamaki wa Sîria nîmagûtiganîria.

2Maû 21:17

Nao nîmaatharîkîre Juda na magîtava ûtonga wonthe ûrîa warî nyomba kwa mûthamaki Jehoramu wana avîcî ake na aka ake. Mûvîcî ûrîa warî mûnini mûno wetagwa Ahazia nwake wenga watigirwe.

Isaia 10:29

Nîivîtûkîte îriûko, na ûmûnthî nîmararîrîra Geba! Andû a Rama marainaina nî guoya; nao andû a Gibea, îtûûra rîa Saûlo nîmaûrîte.

Jeremia 40:6

Jeremia nîwacokire akîthiî Mizipa kûrî Gedalia mûvîcî wa Ahikamu na magîkara nake vamwe na andû arîa maatigirwe kûu vûrûrirî.

Zakaria 14:10

Vûrûri wonthe nîûkaaraganua kuuma Geba mwena wa rûgûrû kûthiî nginya Rimoni mwena wa îveti wa îtûûra rîa Jerusalemu. Nwatî îtûûra rîa Jerusalemu nîrîgaatûgîrua na rîtigwe rîrûngamîte varîa rîrî kuuma mwîrîgarî wa mûvîrîga wa Benjamini nginya mwîrîgarî wa mbere na kûthiî mwîrîgarî ûrîa ûrî konarî, na kuuma nyombarî îrîa ndaca na îgûrû ya Hananeli kinya kîvivîrorî Kîam ndivei Kîam mûthamaki.

Josh 15:38

Dileani, Mizipa, Jokitheeli,

1Sam 10:17

Nake Samueli nîwetire andû na akîmeera mathiî matûngane kîgongoonarî Kîam Ngai-Mûnene kûu Mizipa,

1Sam 7:16

Ke nîwathiûrûrûkaga na akathiî Betheli, Giligali, na Mizipa wa mwaka wa mwaka. Ke aathiîcaga agîtuithanagia maciira ma Aisiraeli kûndû kûu kuonthe.

1Sam 7:6

Kwoguo nîmaacemanirie kûu Mizipa. O nîmaatavire manjî na makîmetûrûra kîrî ta kîveo kûrî Ngai-Mûnene na makîînyerekia mûthenya ûcio wonthe. Nao nîmaaugire atîrî, “Tue nîtwîvîrîtie Ngai-Mûnene.” (Nake Samueli aacirithagîria andû a Isiraeli kûu Mizipa.)