2Maû 16:10 - ÎVUKU RÎA ÛVORO MWARO

¹⁰ Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

2Maû 16:10 ပူးပေါင်းရင်းမြစ်များ

2Sam 11:4

Daudi nîwatûmire anjaama mathiî makagîre Bathisheba, na mamûrete kûrî ke. Daudi nîwamenyanire nake kîîmwîrî. (Nake Bathisheba aarî wa vîndî arîkia îvinda rîake rîa kwîtheria wata ûrîa eekaga wa mweri). Bathisheba nîwacokire akînûka kwao mûciî.

2Sam 12:13

Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

2Sam 12:31

Nîwacokire agîtua andû a kuo aatûri a mbaû na mîcumano, aruti wîra na macembe ma cuuma, na mathanwa ma cuuma, na athondeki a matuvarî. Ûguo nîguo eekire andû onthe a matûûra mau mengî ma Aamoni. Nake Daudi na andû ake onthe nîmaacokire Jerusalemu.

1Atha 13:4

Rîrîa mûthamaki Jeroboamu eegwire ûguo, nîworotire mûndû ûcio na njara arûngamîte vau metharî ya kîgongoona na akîathana atîrî, “Nyitani mûndû ûcio!” Wa rîmwe, njara îo mûthamaki oorotete mûrathi nayo nîyaûmagarire na akîremwa nî kûmîthunithia rîngî.

1Atha 22:27

Ûmere mamûvingîre njeera na mamûrûmagie tûirio tûnini na manjî, nginya rîrîa ngaacoka nîrî na thayû.”

2Maû 16:11

Maûndû marîa mengî monthe marîa mûthamaki Asa eekire kuuma Kîammbîrîria nginya mûthiia nîmandîke îvukuurî rîa athamaki a Juda na a Isiraeli.

2Maû 16:9

Ngai-Mûnene nîaroragia nthî yonthe waro nîguo ekîre vinya andû arîa onthe mamwîvokete. We nîwîkîte ûndû ûyû na ûrimû, kwoguo kuuma rîu kûthiî na mbere ûkethagîrwa ûkîrûa.”

2Maû 18:26

na mûmeere mamwikie njeera na avecagwe kamûgate kanini na manjî nginya rîrîa ngaacoka na thayû.”

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

2Maû 26:19

Vîndî îo mûthamaki Uzia aarûngamîte hekarûrî vakuvî na metha ya kîgongoona ya kûvîvîria ûbani anyitîte kanyûngû ga kûvîvîrua ûbani. Nake nîwarakarirue nî athînjîri-Ngai acio na vîndî wa îo nîwanyitirwe nî mûrimû mûcûku wa ngothi ûthiûrî wake athînjîri-Ngai makîonaga.

Ayubu 20:19

nîûndû nîwavinyîrîrie ngîa na akîmatiganîria, na agîtava nyomba ataatumîte.

Thaburi 141:5

Mûndû mûthingu nwa amverithie kana akangania arî na wendo mwîngî, nwatî ndingîtîkîra gûkumua nî andû arîa aganu, nîûndû vîndî cionthe mvoyaga matigane na ciîko ciao cia waganu.

Isaia 51:23

Nîngaacoka nengere gîkombe kîu andû arîa makûnyariraga, arîa maakwîrire atî, ‘Mama nthî nîguo tûvîtûkîrîre îgûrû rîaku;’ arîa maatwire mûkurukuthu waku ta nthî, na magîûtua ta njîra na makavîtûkagîrîra îgûrû.”

Jeremia 20:2

Pashuri nîwacokire akîriva mûrathi Jeremia, akîmûthaîka na mvîngû, na akîmwiga kîvingorî Kîam mwena wa îgûrû wa Benjamini kûu nyombarî ya Ngai-Mûnene.

Jeremia 26:21

Na rîrîa mûthamaki Jehoiakimu vamwe na athigari ake na anene onthe meegwire ciugo ciake, mûthamaki nîwavangire kûmûûraga. Nwatî rîrîa Uria eeguire ûvoro ûcio, nîwetigîre na akîûra akîthiî Misiri.

Jeremia 29:26

‘Ngai-Mûnene nîwagûtwire mûthînjîri-Ngai vandûrî va mûthînjîri-Ngai Jehoiada, na rîu nîwe mûtongoria hekarûrî. Nî wîra waku kwona atî mûndû wa wonthe wa ngoma, wîtucaga atî nî mûrathi hekarûrî ya Ngai-Mûnene nîwanyitwa na ovwa na mvîngû na aikua njeera.

Jeremia 37:15

Anene acio nîmaarakarire mûno nîûndû wa Jeremia na nîmaamûrivire na makîmwova, na makîmwiga nyomba kwa Jonathani îrîa yagarûrîtwe îgatuîka njeera.

Jeremia 51:34

Nebukadinezarû mûthamaki wa Babuloni nîacûkangîtie Jerusalemu na agakwananga. Agûtigîte gwîkariî ta nyûngû îtarî na kîndû, akûmeretie ta njûnamatu. Eyocerete kîrîa kîonthe akwenda, agacoka agata indo icio ciîngî.

Maca 3:34

Ngai-Mûnene nîamenyaga rîrîa arîa oove, maravinyîrîrua na makanyamarua marî njeera.

Luka 3:20

Ûndû wîngî warî mûcûku mûno ûrîa Herode eekîte nî atî nîwavingîrithîtie Johana njera.