2Maû 15:9 - ÎVUKU RÎA ÛVORO MWARO

⁹ Mûthamaki Asa nîwagomanirie vamwe andû onthe a Juda na a Benjamini na arîa maatûûraga Juda maumîte mîvîrîgarî ya Efiraimu, Manase na Simioni. Andû acio maathiîre kûrî Asa nîûndû nîmoonire atî Ngai-Mûnene, Ngai wa Asa aarî vamwe nake.

2Maû 15:9 ပူးပေါင်းရင်းမြစ်များ

Kîam 26:28

Nao nîmaamûcokerie atîrî, “Rîu tue nîtûmenyete nama atî Ngai-Mûnene arî vamwe nawe, na nîtûrona kwagîrîte tûthondeke mwîvîtwa gatagatîrî getû nawe na tûthondeke kîrîkanîro nawe. Twîrîre

Kîam 39:3

Mwathi wake nîwonire atî Ngai-Mûnene aarî vamwe na Josefu na nîwatûmaga athatûkwe maûndûrî monthe marîa eekaga.

1Atha 12:19

Kwoguo kuuma vîndî îo, andû a Isiraeli matwîre mareganaga na andû a nyomba ya Daudi nginya ûmûnthî.

1Atha 3:28

Rîrîa andû a Isiraeli meegwire ûrîa Mûthamaki Solomoni aatwire ciira ûcio, nîmaamûtîire mûno nîûndû nîmaamenyire atî Ngai nîwamûvete ûûgî wa gûtua ciira na kîvooto.

1Maû 12:19

Athigari amwe a mûvîrîga wa Manase nîmaaumire gîkundirî Kîamo na makîthiî kûrî Daudi. Meekire ûguo vîndî îrîa Daudi maathiîre na athigari a Afilisiti nîguo makarûe na Saûlo. Daudi na athigari ake matiatethia Afilisiti nîûndû rîrîa maranîrie, athigari a Afilisiti nîmeetigîre nîûndû meeciragia Daudi nwa amakunyanîre kûrî mwathi wake Saûlo. Kwoguo Daudi nîwerirwe acoke Zikilagi.

2Maû 11:16

Andû onthe vûrûrirî wa Isiraeli arîa maatuîte atî nîmakwenda kûgooca Ngai-Mûnene, Ngai wa Isiraeli nîmaarûmanîrîre na Alawi na makîthiî Jerusalemu nîguo makarute magongoona kûrî Ngai-Mûnene, Ngai wa methe mao.

2Maû 15:10

Maagomanire Jerusalemu mweri wa kathatû mwaka wa îkûmi na îtano kuuma Asa aatuîka mûthamaki.

2Maû 19:4

Mûthamaki Jehoshafati aatûûraga Jerusalemu, nwatî nîwathiîcaga gûcerera andû mavinda meengî. Nîwathiîcaga Beerisheba mwena wa îveti na nginya rûtere rwa vûrûri ûrîa ûrî irîma wa Efiraimu mwena wa rûgûrû. Nîwetaga andû nîguo macokerere Ngai-Mûnene, Ngai wa methe mao.

2Maû 30:25

Andû onthe a Juda, athînjîri-Ngai, Alawi na andû onthe arîa maaumîte Isiraeli na ageni arîa maaumîte nja ya vûrûri wa Isiraeli na arîa maatûûraga Juda nîmaakenire mûno.

Ezek 37:16

“We mûndû, oca karûthanju kamwe na ûkandîke, ‘Gaka nîka Juda na andû a Isiraeli arîa makonenie nake.’ Coka woce kengî na ûkandîke, ‘Gaka nîka Josefu (karûthanju ka Efiraimu) na andû a Isiraeli onthe arîa makonenie nake.’

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

1Sam 18:28

Rîrîa Saûlo aamenyire waro atî Ngai-Mûnene aarî vamwe na Daudi na atî andû onthe a Isiraeli nîmaamwendete,