2Maû 15:14 - ÎVUKU RÎA ÛVORO MWARO

¹⁴ Nîmeevîtire maugîrîrîtie na rîîtwa rîa Ngai-Mûnene atî nî makaavingia kîrîkanîro. Nîmaacokire makîvuvaga tûrumbeta na coro.

2Maû 15:14 ပူးပေါင်းရင်းမြစ်များ

2Maû 15:13

Na mûndû wa wonthe ûkaarega kûgooca Ngai-Mûnene, Ngai wa Isiraeli, arî mwîthî kana mûkûrû, mûndûmûrûme kana mûndûmûka, nî akaaûragwa.

2Maû 15:15

Andû onthe a Juda nîmaakenire nîûndû wa kîrîkanîro kîu maarûthire na ngoro yonthe. Nîmaamûcarîtie na ngoro yonthe na makîmwona. Nake Ngai-Mûnene nîwatûmire magîe na thayû mîena yonthe.

Nehemia 10:29

Nîmaanyitanîre na andû ao a Isiraeli, na atongoria ao mumarî ûcio, ûrîa warî ûgwatie mûndû kîrumi angîuna. Nîmeranîre atî makathîkagîra Watho wa Ngai, ûrîa Ngai aavecanire na njîra ya Musa ndungata yake. Nîmaaugire atî makaathîkagîra na mekage ûrîa maathani monthe ma Ngai-Mûnene, mwathi wetû maugîte wa vamwe na mawatho make.

Nehemia 5:13

Nînarutire nguo yakwa îrîa nerigicîrîtie kîûnû na ngîmîrivariva na ngiuga atîrî, “Ûguo nîguo Ngai akaarivariva mûndû wa wonthe ûtakaavingia ûrîa eranîra. Ngai nîakaamûcuna nyomba cienyu na indo cionthe irîa mûrî nacio, amûtige mûtarî na kîndû.” Nao andû onthe arîa maagomanîte vau nîmaaugire “Ameni” na nîmaagocire Ngai. Nao andû nîmeekire ûrîa meeranîrîte.

Thaburi 98:6

Vuvani tûrumbeta na coro, inîrani Ngai-Mûnene, mûthamaki mûrî na gîkeno.

Ntha 24:3

Musa nîwacokire akînyûrûrûka na akîthiî akîra andû maûndû monthe marîa Ngai-Mûnene aamwîrire na maathani monthe. Nao andû onthe nîmaacokirie marî vamwe atîrî, “Nîtûgeka ûrîa wonthe Ngai-Mûnene augîte.”

Ntha 24:7

Nîwacokire agîoca îvuku rîa kîrîkanîro, na akîthomera andû onthe augîrîrîtie. Nao nîmaaugire atîrî, “Nîtûgwîka ûrîa wonthe Ngai-Mûnene augîte na tûmwathîkîre.”

Josh 24:24

Nao andû a Isiraeli nîmeerire Joshua atîrî, “Tue tûgatungatagîra Ngai-Mûnene, Ngai wetû na tûkaathîkagîra maathani make.”