2Maû 14:13 - ÎVUKU RÎA ÛVORO MWARO

¹³ nake Asa na athigari ake makîmarûmîrîria nginya Gerari. Athigari a mbaara a Ethiopia nîmaaûragirwe eengî mûno na gûtirî wanarî ûmwe watigarire. Athigari a mbaara a Ethiopia nîmaavootirwe nî Ngai-Mûnene na athigari ake, na athigari a Juda nîmaatavire indo nyîngî mûno.

2Maû 14:13 ပူးပေါင်းရင်းမြစ်များ

Kîam 10:1

Ino nîcio njiarwa cia anake a Nuhu: Shemu, Hamu na Jafethi. Maagîre na anake ao vuva wa manjî gwîcûra nthî.

Kîam 10:19

Wana nginya mîvaka yao nîyakinyire Sidoni, mwena wa îveti wa Gerari, nginya îgîkinya Gaza, na mwena wa îrathîro ûthiîte Sodomu, Gomora, Adima na Zeboimu vakuvî na Lasha.

Kîam 20:1

Iburahimu nîwathaamire akiuma Mamure akîthiî mwena wa îveti wa Kanaani na agîtûûra gatagatî ga Kadeshi na Shuri. Vuvarî nîwathiîre Gerari.

Kîam 26:1

Vûrûrirî ûcio nîkwagîre na yûra rîngî tiga rîrîa rîarî kuo vîndî ya Iburahimu. Nîûndû wa ûguo, Isaka nîwathiîre Gerari kûrî Abimeleki mûthamaki wa Afilisiti.

Kîam 35:5

Rîrîa Jakovu na avîcî ake maambîrîrie rûgendo, andû a matûûra marîa maamathiûrûrûkîrîtie nîmaanyitirwe nî guoya nyîngî kuuma kûrî Ngai. Kwoguo nîmaaremirwe nî kûmarûmîrîria.

1Maû 12:22

Mûthenya wa mûthenya andû nîmaaûkaga kûrî Daudi nîguo mamûtethie, nginya gîkundi gîake Kîam athigari gîkîneneva mûno ta gîkundi Kîam athigari a Ngai.

2Maû 12:3

Shishaki aatharîkîre Jerusalemu arî na ikaari cia mbarathi ngiri îmwe na magana maîrî (1,200), athigari ngiri mîrongo îtandatû (60,000) arîa mathiîcaga matwîte mbarathi na athigari eengî mûno matangîatarîkire kuuma Lîbia, Suki, na Ethiopia.

2Maû 14:14

Nîmaacokire magîcûkangia matûûra monthe marîa maathiûrûrûkîrîtie Gerari nîûndû andû a kuo nîmaagîte na guoya nîûndû wa Ngai-Mûnene. Nîmaatavire indo nyîngî mûno kuuma matûûrarî mau na makîthiî nacio.

2Maû 15:11

Mûthenya ûcio nîmaarutîre Ngai-Mûnene magongoona ma ng'ombe magana mûgwanja (700) na ng'ondu ngiri mûgwanja (7,000). Indo icio nî irîa Asa na athigari ake maatavîte kuuma kûrî nthû ciao.

2Maû 17:10

Ngai-Mûnene nîwatûmire mavûrûri monthe marîa maathiûrûrûkîrîtie Juda metigîre kûrûa na mûthamaki Jehoshafati.

2Maû 20:29

Mothamaki ma mavûrûri monthe marîa megwire ûrîa Ngai-Mûnene aavootete nthû cia Isiraeli nîmeetigîre Ngai.

Ayubu 6:9

Nî kava Ngai ambûragîte; na arekererie njara yake înthirie!

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 108:11

Ûûi Ngai, nîkwa ûtûtiganîrîtie viû? Anga tîûthiîcania na athigari etû mbaararî?

2Ath 1:9

Nao nîmakaathînîka nîûndû Ngai nîakaamaverithia tene na tene. Nîmakaaigwa varaca na Mwathani na varaca na riiri wa ûnene wake.

Josh 5:14

Mûndû ûcio nîwamûcokerie atîrî, “Naarî, nie nîrî mûnene wa athigari a mbaara a Ngai-Mûnene.” Joshua nîwegwîthirie agîturumithia ûthiû nthî amûgooce na akîmwîra atîrî, “Mwathi wakwa, nie nîrî ndungata yaku mbîra ûrîa ûkwenda mbîke.”

1Sam 25:28

Nîrakûthaitha mwathi wakwa ûnjovere nie ndungata yaku. Ngai-Mûnene nîgaagûtua mûthamaki wana njiarwa ciaku, nîûndû nîûmûrûagîrîra mbaararî, na we ndûkoona ûûru matukû monthe ma ûtûûro waku.