2Maû 13:9 - ÎVUKU RÎA ÛVORO MWARO

⁹ Kinthî mûtiengatire athînjîri-Ngai a Ngai-Mûnene, njiarwa cia Aroni na Alawi na mûkîîthuurîra athînjîri-ngai enyu ta andû a mavûrûri marîa mengî? Mûndû wa wonthe ûngîûka kwîyamûra arî na ndegwa îtarî ngûrû kana ndûrûme mûgwanja nîatuîkaga mûthînjîri-Ngai wa indo icio mwîtaga ngai cienyu.

2Maû 13:9 ပူးပေါင်းရင်းမြစ်များ

1Atha 13:33

Vuva wa maûndû mau Jeroboamu, mûthamaki wa Isiraeli ndaatiga gwîka maûndû macûku. Nwatî nîwathiîre mbere kûthuura athînjîri-Ngai kuuma kûrî andû a mîthemba yonthe nîguo matungatage metharî cia magongoona irîa aatumîte. Aamûraga mûthînjîri-Ngai wa wonthe wendaga kwamûrwa.

2Atha 19:18

Nîmaavîvirie ngai ciao, nîûndû itiarî ngai, nwatî ciarî mîvuanano îrûthîtwe na mîtî na mathiga nî andû.

1Maû 29:5

na cia indo cia thaavu na cia sîlûva irîa ikaarûthwa nî andû arîa marî wara wa kûirûtha. Rîu nîûrîkû wîvarîrîtie kwîvecana kûrî Ngai-Mûnene arute indo ciake ûmûnthî na njîra ya kwîyendera?”

2Maû 13:10

“Nwatî tue, Ngai-Mûnene nî Ngai wetû na tûtimûtiganîrîtie. Tûrî na athînjîri-Ngai arîa matungataga Ngai-Mûnene na nîo njiarwa cia Aroni na nîmatethagua nî Alawi.

2Maû 29:31

Mûthamaki Hezekia nîwacokire akiuga atîrî, “Rîu nîmwetheria mbere ya Ngai-Mûnene, kuvîvîriani hekarû mûrete magongoona na matega ma gûcokia ngatho kûrî Ngai-Mûnene.” Andû onthe nîmaavirire magongoona na matega ma gûcokia ngatho, na engî nîmaaretire matega ma kûvîvua na njîra ya kwîyendera.

Ntha 29:1

“Ûkîamûra Aroni na avîcî ake nîguo mandungatagîre marî athînjîri-Ngai ûgeeka atîrî: ûgooca karegwa gatarî gakûrû na ndûrûme igîrî itarî na maroro.

Ntha 29:29

“Aroni akua, nguo ciake irîa ntheru nîikaanengerwa avîcî ake. Nao nîmagaaciîkîra makîamûrwa.

Ntha 29:35

“Ûkaamûra Aroni na avîcî ake îvinda rîa mîthenya mûgwanja, na wa mûthenya ûcokagîre wa ûguo nakwatha.

Ntha 32:29

Musa nîwacokire akîra avîcî a Lawi atîrî, “Ûmûnthî nîmweyamûra mue ene nîguo mûtungatagîre Ngai-Mûnene. Wa mûndû eyamûra na njîra ya kûûraga mûvîcî kana mûrwang'ina, kwoguo Ngai-Mûnene nîwamûrathima ûmûnthî.”

Jeremia 2:11

Kûrî vûrûri wanakûranania ngai ciao na ciîngî, wana ethîrwa ngai icio tî cia ma? Nwatî andû akwa nîmandiganîrîtie nie Ngai ûrîa ûrî riiri, makegîra na ngai itangîmatethia.

Jeremia 5:7

Ngai-Mûnene araûria atîrî, “Nîngîkûrekera atîa? Ciana ciaku nîindiganîrîtie, na nîmevîtîte na ngai cia maveeni. Rîrîa namaveere irio cia kwîgana, nîmekire ciîko cia ûtharia, na makîthiî nyombarî cia maraa.

Hosea 8:6

Nwa ta guo mwîkariî wanamue andû a Isiraeli! Mûvundi nîke warûthire mûvianano ûcio. Tî yo Ngai. Mûviano ûcio wa njaû wa Samaria nîûkaunangwa icunjî icunjî!

Alawi 16:32

Mûthînjîri-Ngai Mûnene ûrîa wamûrîtwe nîguo atuîke Mûthînjîri-Ngai Mûnene vuva wa îthe, nîke ûkaarûtha mambura ma kûtheria mevia ekîrîte nguo cia ûthînjîri-Ngai.

Alawi 8:2

“Oca Aroni na avîcî ake mûthiî nao mûromorî wa îgema rîakwa na ûthiî na nguo cia ûthînjîri-Ngai, maguta ma kwamûrana, ndegwa ya îtega rîa kûtheria wîvia, ndûrûme ciîrî, na gîkavu kîrî na mîgate îtarî mîkîre ndawa ya kwimbia.

Ciîko 19:26

Rîu mue nîmûreyonera na mûkeîguîra maûndû marîa Paûlo areka. Ke augaga atî ngai cia mîvuanano irîa ithondeketwe na njara cia andû tî ngai cia ma. Ke nîarîkîtie kwîgwithia na akagarûra andû eengî arîa marî gûkû Efeso na arîa marî Asia vakuvî yonthe.

Agal 4:8

Tene mûtiaicî Ngai. Kwoguo mwatwîre ûkomborî wa ngai irîa itarî cia ma.

Gûco 32:17

Nîmaarutîre ndaimono magongoona, nwatî tî ngai irîa methe mao maaicî; ngai irîa ciaumîrîte kavinda gatarî karaca, irîa methe mao mataatîîaga.