2Maû 13:7 - ÎVUKU RÎA ÛVORO MWARO

⁷ Vuvarî nîwagomanirie varî ke andû aganu na mataarî kîene na makîringîrîria Rehoboamu mûvîcî wa Solomoni eke ûrîa meendaga rîrîa Rehoboamu aarî mûndû mwîthî na atangîavotire kûmetirîria.

2Maû 13:7 ပူးပေါင်းရင်းမြစ်များ

2Sam 3:39

Wana ethîrwa nînie mûthamaki ûrîa Ngai athuurîte, nînîregua nîrî mûthirîre nî vinya ûmûnthî. Avîcî aya a Zeruia marî na ûûru mwîngî mûno nîûndû wakwa. Ngai-Mûnene aroverithia eki naaî aya wata ûrîa magîrîrwe nî kûverithua!”

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

2Maû 10:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Nî îgai rîrîkû tûrî narîo kuuma kûrî Daudi? Tûtirî na îgai kuuma kûrî mûvîcî wa Jesii. Andû a Isiraeli, twînûkeni! Daudi gitîra nyomba yaku we mwene!” Kwoguo andû onthe nîmaathiîre magemarî mao,

2Maû 12:13

Rehoboamu nîwatuîkire mûthamaki wekindîrîtie Jerusalemu. Aatuîkire mûthamaki arî na ûkûrû wa mîaka mîrongo îna na ûmwe (41). Aathamakire îvinda rîa mîaka îkûmi na mûgwanja (17) arî Jerusalemu, îtûûra rîrîa Ngai-Mûnene aathuurîte gatagatîrî ka mîvîrîga yonthe vûrûrirî wa Isiraeli nîguo agoocagîrwe kuo. Ng'ina wa Rehoboamu eetagwa Naama wa kuuma vûrûrirî wa Aamoni.

Ayubu 30:8

Andû maarî aritu na matecîkene, maarutûrûrirwe vûrûrirî ûcio na mûcarica.

Thaburi 26:4

Nie ndiîkaranagia na andû arîa maveenanagia, kana nyitanîra na andû arîa marî ûvinga.

Nthi 12:11

Andû arîa marutaga wîra na kîîo mîgûndarî yao nîmagîcaga irio cia kwîgana, nwatî andû arîa marûmagîrîra maûndû matarî na umithio nî irimû.

Nthi 28:19

Andû arîa marutaga wîra na kîîo mîgûndarî yao nîmagîcaga irio cia kwîgana, nwatî arîa matecaga mavinda na maûndû matarî vata nîmatûûra marî athîni.

Mûvunjia 10:16

We vûrûri ûrî na mûthamaki mûndû mwîthî kaî ûrî na thîna-î, na atongoria aku makûngûagîra kîrugo kîraûko!

Isaia 3:4

Ngai-Mûnene nîagaatûma ciana ituîke anene ao, na atûme ngenge imathage.

Ciîko 17:5

Nwatî Ayahudi amwe nîmegwire wîru, makîrete vamwe andû aganu arîa maaûrûraga thokorî, na makîthondeka gîkundi. Nao nîmaambîrîrie gacagaca kûu îtûûrarî rîu rîonthe na makîtharîkîra nyomba ya mûndû ûmwe wetagwa Jasoni. Andû acio maacaragia Paûlo na Sailasi, nîguo mamavire nja kûrî andû.

1Akor 14:20

Ariû na aarî a îthe wetû, tigani gwîciiragia ta ciana. Maûndûrî marîa macûku tuîkani ta twana twa tûkenge, nwatî meciriarî menyu tuîkani ta andû agima.

Gûco 13:13

atî îtûûrarî rîmwe nî kuumîrîte andû matarî kîene na nî maveenereretie andû magooce ngai ciîngî irîa mûtaicî.

Tito 1:10

Nama kûrî andû eengî, na makîria arîa maumîte ndinirî ya Ayahudi, arîa makararagia na makaveenia andû na maûndû mao matarî vata.

Ahib 5:12

Mwîthîrîtwe mûrî na kavinda keganu ga gûtuîka arimû, nwatî nginya rîu nîmûvatarîte mûndû wa kûmûthomithia maûndû marîa mwathomithirue mbere megiî ndûmîrîri ya Ngai. Vandû va mwîthîrwe mûkîrîa irio ino nyûmû, mue nwa mûnyuire îriia.

Atir 11:3

Jefitha nîwaûrire akiuma kûrî aa mûrwang'ina na akîthiî gûtûûra vûrûrirî wa Tobu. Arî kûu Tobu, Jefitha nîwanyitanîre na gîkundi Kîam andû mataarî kîene na nîmaathiîcanagia nake makîtharîkagîra andû.

Atir 9:4

Nîmaamûvere tûcunjî mîrongo mûgwanja (70) twa sîlûva irutîtwe hekarûrî ya Baali-berithu. Abimeleki nîwocire sîlûva icio na agîcoka akîivûthîra kwandîka andû maarî aganu nîguo mamûrûmîrîre.

1Sam 22:2

Na andû onthe arîa maarî avinyîrîrie kana maarî na thirî kana meegucaga mateganîrîte, nîmaathiîre kûrî ke. Nao onthe maarî andû ta magana mana (400). Nake Daudi nîwatuîkire mûtongoria wao.