2Maû 13:19 - ÎVUKU RÎA ÛVORO MWARO

¹⁹ Abija nîwarûmîrîrie athigari a mbaara a Jeroboamu na nîwatavire matûûra ma Betheli, Jeshana na Efironi vamwe na icagi irîa ciarî vakuvî na matûûra mau.

2Maû 13:19 ပူးပေါင်းရင်းမြစ်များ

Kîam 28:19

Nîwacokire agîtuîrîra vandû vau rîîtwa Betheli. (Nwatî îtûûra rîu mbere rîetagwa Luzi).

2Maû 13:18

Kwoguo kavinda kau athigari a Isiraeli nîmaavootirwe. Nao athigari a Juda maavootanire nîûndû nîmeevokire Ngai-Mûnene, Ngai wa methe mao.

2Maû 13:20

Jeroboamu ndaacoka kûgîa na vinya rîngî îvindarî rîa wathani wa Abija. Mûthiiarî Ngai-Mûnene nîwatûmire Jeroboamu akue.

2Maû 15:8

Rîrîa mûthamaki Asa eegwire ûrathi ûrîa warirue nî Azaria mûvîcî wa Odedi, nîwagîre na ûmîrîru. Nîwarutire mîvuanano yonthe îrîa yarî vûrûrirî wa Juda na wa Benjamini na îrîa yarî matûûrarî monthe marîa aatavîte vûrûrirî ûrîa ûrî irîma wa Efiraimu na agîtuma rîngî metha ya kîgongoona ya Ngai-Mûnene îrîa yarî kîvarorî Kîam hekarû.

2Maû 17:2

Nîwaigire ikundi cia athigari matûûrarî monthe ma Juda marîa maarî mairigîre, mîenarî îrîa îngî ya vûrûri wa Juda na matûûrarî ma vûrûri wa Efiraimu marîa îthe Asa aanyitîte.

Johana 11:54

Kwoguo Jesû ndaacoka kûthiî akîonagwa kûu Judea. Nîwaumire kuo na akîthiî îtûûrarî rîetagwa Efiraimu rîrîa rîarî vakuvî na werû na agîkara kuo marî na arutwa ake.

Josh 10:19

nwatî mûtigekare vo mue ene. Vinyûriani nthû na mûitharîkîre kuuma mwena wa vuva. Mûtikareke matonye matûûrarî mao, nîûndû Ngai-Mûnene, Ngai wenyu nîamûvotithîtie kûmavoota.”

Josh 10:39

Nîmaarînyitire wa vamwe na mûthamaki warîo, wana matûûra mengî manini marîa maarî vakuvî. Nîmaacokire makîûraga andû onthe a kuo. Îtûûra rîa Debiri rîekirwe nî Joshua na athigari ake wata ûrîa matûûra ma Heburoni, Libuna na athamaki ao meekirwe.

Josh 11:12

Joshua nîwanyitire matûûra mau monthe wana athamaki a mo. Nîwaûragire andû onthe wata ûrîa Musa, ndungata ya Ngai-Mûnene, aamwathîte.

Josh 15:9

Kuuma vau mûvaka wa Juda nîwathiîrîrîte ithimarî cia Nefutoa, na ûkathiîra matûûrarî marîa marî vakuvî na kîrîma Kîam Efironi. Wakinya vau nîwacokete ûkegata ûkathiî werekere Baala îrîa îtagwa (Kiriathi-jearimu.)

1Sam 31:7

Rîrîa Aisiraeli arîa maarî mwena ûcio wîngî wa Kîamnda Kîam Jezireeli na arîa maarî mwena wa îrathîro wa rûnjî rwa Jorodani meegwire atî andû a Isiraeli nîmaûra, na atî Saûlo na anake ake maarî akuû, nîmaatiganîrie matûûra mao na makîûra. Nao Afilisiti nîmaathiîre na magîtûûra matûûrarî mau.