2Maû 13:15 - ÎVUKU RÎA ÛVORO MWARO

¹⁵ Athigari a Juda nîmaacokire makiugîrîria na mûgambo wa mbaara. Nao nîmaatharîkîre na Ngai agîtûma Jeroboamu na athigari a Isiraeli mavootwe nî Abija na athigari a Juda.

2Maû 13:15 ပူးပေါင်းရင်းမြစ်များ

2Atha 5:1

Naamani ûrîa warî mûnene wa athigari a mbaara a mûthamaki wa Sîria nîwendetwe na agatîwa mûno nî mwathi wake, nîûndû na njîra yake Ngai-Mûnene nîwavete andû a Sîria vinya wa kûvootana. Aarî mûthigari njamba, nwatî arî mûrwaru mûrimû mûcûku wa ngothi.

2Maû 14:11

Asa nîwavoire Ngai-Mûnene, Ngai wake akiuga atîrî, “Ngai-Mûnene gûtirî wîngî wîkariî tawe ûngîvota gûtethia andû arîa matarî vinya makîrûa na arîa marî vinya. Ûûi, Ngai-Mûnene, Ngai wetû, tûtethie nîûndû nîwe twîvokete. Tûkîte kûrûa na athigari aya eengî ûguo rîîtwarî rîaku. Ngai-Mûnene, we wî Ngai wetû. Ndûgetîkîre mûndû akûvoote.”

2Maû 14:12

Kwoguo Ngai-Mûnene nîwavootire athigari a mbaara a Ethiopia rîrîa Asa na athigari a mbaara a Juda maamatharîkîre. Athigari a Ethiopia nîmaaûrire,

2Maû 18:31

Rîrîa anene acio a ikaari cia mbarathi moonire Jehoshafati, nîmeciririe atî nîke mûthamaki wa Isiraeli, kwoguo nîmaagarûrûkire nîguo mamûtharîkîre. Nwatî Jehoshafati nîwaugîrîrie na Ngai-Mûnene nîwamûtethirie. Ngai nîwatûmire andû arîa maamûtharîkagîra matige kûmûtharîkîra.

2Maû 20:21

Mûthamaki Jehoshafati arîkia kwaranîria na andû, nîwathuurire andû a kwina na akîmatha mekîre nguo cia nyîmbo, macoke mathiî marî mbere ya athigari a mbaara makinaga atîrî, “Cokeriani Ngai-Mûnene ngatho! Nîûndû wendo wake ûtathiraga nî wa tene na tene!”

2Maû 20:22

Rîrîa maambîrîrie kwina, Ngai-Mûnene nîwatûmire athigari a mbaara a Aamoni, Moabu na a Edomu arîa maaûkîte kûtharîkîra andû a Juda mavîngîcîke na nîmaavootirwe.

Thaburi 47:1

Mue andû onthe, vûrani mvî na mugîrîrie! Kumiani Ngai na nyîmbo mugîrîrîtie!

Thaburi 47:5

Ngai nîaunûkîtie athiîte gîtîrî gîake Kîam ûthamaki, arakûngûîrwa na gîkeno na tûrumbeta tûkîvuvagwa.

Isaia 37:36

Mûraika wa Ngai-Mûnene nîwathiîre kûrîa Asîria maambîte magema mao na akîûraga athigari ngiri îgana rîmwe rîa mîrongo înana na ithano (185,000). Rîrîa andû maaramûkire kîraûko tene, andû acio onthe methîrîrue marî ciimba.

Ndari 32:4

nî vûrûri ûrîa Ngai-Mûnene aavootanîre andû a Isiraeli. Vûrûri ûcio nî mwaro wa ndîthia na tue ndungata ciaku tûrî na ndîthia nyîngî mûno.

Josh 11:8

Ngai-Mûnene nîwavere andû a Isiraeli ûvootani. Nîmaamaûragire na makîmavinyûria nginya Misirefothu Maimu na Sidoni mwena wa rûgûrû na nginya Kîamndarî Kîam Mizipa mwena wa îrathîro. Mbaara îo nîyarûirwe îvinda îraca nginya nthû cionthe ikîûragwa.

Josh 6:16

Mathiûrûrûka rita rîa mûgwanja, athînjîri-Ngai nîmaavuvire tûrumbeta. Nake Joshua nîwathire andû na akîmera maugîrîrie. Nîwacokire akiuga atîrî, “Ngai-Mûnene nî atûvete îtûûra rîîrî!

Josh 6:20

Nao athînjîri-Ngai nîmaavuvire tûrumbeta twao. Na rîrîa andû meegwire mûgambo wa tûrumbeta nîmaaugîrîrie na mûgambo mûnene. Nacio nthingo cia Jeriko nîciagwîre. Andû a Isiraeli nîmaaunûkirie kîrîma na magîtonya îtûûrarî rîa Jeriko makîrînyita.

Atir 4:15

Rîrîa Baraki na athigari ake maatharîkîre Sisera, Ngai-Mûnene nîwatûmire Sisera na ikaari ciake cia mbaara vamwe na andû ake mavîngîcîke. Sisera nîwaumire ngarirî yake ya mbaara na akîûra na magûrû.