2Maû 13:11 - ÎVUKU RÎA ÛVORO MWARO

¹¹ Nîmarutagîra Ngai-Mûnene matega ma kûvîvua na ma ûbani ûrîa mûnungi waro vîndî cionthe kîraûko na kîvwaî. Nîmarutaga matega ma mîgate îrîa mîamûre na nîmamigagîrîra metharî îrîa ntheru, na nîmaakagia taa irîa irî vandû va thaavu varîa cigagîrîrwa kîvwaî wa kîvwaî. Twîkaga ûrîa Ngai-Mûnene, Ngai wetû athanîte, nwatî mue nî mûmûtiganîrîtie.

2Maû 13:11 ပူးပေါင်းရင်းမြစ်များ

Kîam 26:5

Nîngaakûrathima nîûndû Iburahimu nîwambathîkîre na akîathîkîra mataaro makwa na mawatho makwa monthe.”

2Maû 13:10

“Nwatî tue, Ngai-Mûnene nî Ngai wetû na tûtimûtiganîrîtie. Tûrî na athînjîri-Ngai arîa matungataga Ngai-Mûnene na nîo njiarwa cia Aroni na nîmatethagua nî Alawi.

2Maû 2:3

Solomoni nîwatûmanire kûrî Hiramu, mûthamaki wa Turo na akîmwîra atîrî, “Mindîra mîtî ya mîtarakwe ta ûrîa wekire vava Daudi rîrîa wamwindîre mîtî ya gûtuma nyomba yake.

2Maû 2:4

Nînîratuma hekarû ya Ngai-Mûnene, Ngai wakwa na nîmîamûrîre ke, îtuîke ya kûvîvagîrua matega ma ûbani ûrîa mûnungi waro na gwa kwigagwa mûgate ûrîa mwamûre vîndî cionthe. Nwakuo gûkaarutagîrwa matega ma kûvîvua marîa marutagwa iraûko cionthe na ivwaî cionthe, na mîthenya ya thavatû, irugo cia mweri wacicûka, na irugo cia mîthenya îrîa mîamûre, wata ûrîa athîte andû a Isiraeli matûûre mekaga tene na tene.

2Maû 4:20

indo cia kwigîrîrwa taa, taa cia thaavu ntheri irîa ciakanaga mbere ya vandû varîa vatheru mûno kûringana na ûrîa gwataarîrîtue,

Ntha 29:38

“Ino nîcio indo irîa ûkaarutaga metharî ya kîgongoona mûthenya wa mûthenya: ndûrûme igîrî cia ûkûrû wa mwaka ûmwe.

Ezek 44:15

Ngai-Mûnene nîwaugire atîrî, “Athînjîri-Ngai a mûvîrîga wa Lawi, a njiarwa cia Zadoku nîo maamenyagîrîra hekarû yakwa rîrîa andû acio engî a Isiraeli maandiganîrîtie. Acio nîo makaandungatagîra na maûkage mbere yakwa kûndutîra maguta na nthakame.

Ezek 44:8

Nîmûregete kûrûmîrîra mawatho makwa marîa mamûre ma hekarû, vandû va ûguo ageni nîo mwîtîkîrîtie mamarûmagîrîre.

Ezek 48:11

Gîcunjî kîu gîgaatuîka Kîam athînjîri-Ngai arîa amûre a njiarwa cia Zadoku arîa maandungatîre marî na wîvokeku. Acio matiandiganîria rîrîa Aisiraeli na Alawi acio engî maandiganîrie.

Ndari 1:53

Nwatî Alawi makaambaga magema mao mathiûrûrûkîrîtie îgema rîa gûcemanîrua marîrangîrîte nîguo gûtikethîrwe kûrî na ûndû ûngîtûma marakara ma Ngai-Mûnene makinyîrîre andû a Isiraeli.”

Ndari 16:46

na Musa akîra Aroni atîrî, “Oca kanyûngû gaku ga kûvîvîrua ûbani na ûgekîre makara marî na mwaki kuuma metharî ya kîgongoona na wîkîre ûbani makararî, ûvinyûre na ûbani ûcio kûrî andû a Isiraeli na ûrute îgongoona rîa kûtheria mevia mao. Ngai-Mûnene nîmûrakarie nî o, na nîmwambîrîriu kûmathiria.”

Ndari 16:6

We Kora na arûmîrîri aku îkani atîrî: ocani tûnyûngû twa kûvîvîria ûbani,

Ndari 9:19

Mavinda mamwe îtu nîrîekaraga îgûrû rîa îgema rîa gûcemanîrua kavinda karaca, na andû a Aisiraeli nîmaathîkagîra Ngai-Mûnene na matiathiîcaga mbere na rûgendo.

Luka 1:9

Rîrîa mîtî yaikirue kûringana na mûtugo wa athînjîri-Ngai, Zakaria nîwathuurirwe kuuma gîkundirî gîake nîguo atonye hekarûrî na avîvie ûbani.