2Maû 12:6 - ÎVUKU RÎA ÛVORO MWARO

⁶ Atongoria a Isiraeli vamwe na mûthamaki nîmeenyivirie na magîtîkîra atî nîmevîtie na nî maaugire atîrî, “Ngai-Mûnene ekîte ûrîa kwagîrîrîte.”

2Maû 12:6 ပူးပေါင်းရင်းမြစ်များ

2Maû 12:12

Nîûndû wa Rehoboamu kwînyivia, Ngai-Mûnene ndaamûcûkangia viû na vûrûrirî wa Juda gûtiarî na thîna.

2Maû 21:2

Jehoramu mûvîcî wa Jehoshafati, mûthamaki wa Juda aarî na aa mûrwang'ina atandatû. Nao meetagwa Azaria, Jehieli, Zekaria, Azaria, Mikaeli, na Shefatia.

2Maû 32:26

Nwatî Hezekia na andû a Jerusalemu nîmaaverire magîtiga gwîtîîa, kwoguo Ngai-Mûnene ndaaverithia andû a Jerusalemu Hezekia arî mwoyo.

2Maû 33:12

Vîndî îrîa aarî mathînarî, nîwavoire Ngai-Mûnene, Ngai wake na akîînyivia mûno mbere ya Ngai wa methe make nîguo amûtethie.

2Maû 33:19

Mavoya ma mûthamaki Manase na ûrîa Ngai aamûcokerie, mevia make monthe na kûrega gûtuîka mwîvokeku, kûndû kûrîa aatumire gwa kûgoocerwa mîvuanano na Ashera, ngai ya mûndûmûka na mîvuanano, monthe nîmandîke rûganorî rwa Maûndû ma tene ma Arathi.

2Maû 33:23

Ndenyivia mbere ya Ngai-Mûnene ta ûrîa îthe Manase eekîte, nwatî nîwevirie mûno makîria ya îthe.

Ayubu 33:27

Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.

Thaburi 129:4

Nwatî Ngai-Mûnene nî mûthingu, nîatinangîtie mînyororo ya andû acio aganu, îrîa maranjovete nayo.”

Ntha 10:3

Kwoguo Musa na Aroni nîmaathiîre kûrî mûthamaki wa Misiri na makîmwîra atîrî, “Ngai-Mûnene, Ngai wa Ahibirania augîte ‘Nî îvinda rîgana atîa ûgwîkara ûregete kûmwathîkîra? Tiga andû akwa mathiî nîguo makangooce.

Ntha 9:27

Nake mûthamaki nîwatûmanîre Musa na Aroni na akîmera atîrî, “Kavinda gaka nie nînjîvîtie, Ngai-Mûnene ekîte ûrîa kwagîrîrîte. Nwatî nie na andû akwa tûrî avîtiu.

Jeremia 13:15

Mue andû a Isiraeli tegani matû mwîgue, mûtigetîîe ûguo nîguo Ngai-Mûnene augîte.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 44:10

Nginya ûmûnthî mûtianenyivia kana mwîndigîra wana mûrûmîrîra watho wakwa na maathani makwa marîa namûveere na ngîva methe menyu.”

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Danieli 5:22

Nwatî we Belishazaru, mûvîcî wa Nebukadinezarû nîûregete wînyivia wana ethîrwa nîwaicî maûndû mama monthe.

Danieli 9:14

Kwoguo we Ngai-Mûnene, Ngai wetû, nîwevarîrie gûtûverithia na ûgîka guo, nîûndû vîndî cionthe wîkaga ûrîa kwagîrîrîte, nwatî tue tûkarega gûkwathîkîra.’

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Luka 18:14

Nie nîramwîra na ma atî, mwîtia ûcio wa mbeca cia gooti eenûkire gwake mûciî arî mwagîrîru methorî ma Ngai gûkîra Mûfarisai. Nîûndû mûndû wa wonthe wînenevagia nîakaanyivua nake ûrîa wonthe wînyivagia nîakaanenevua.”

Aroma 10:3

Nîûndû wa kûrega kûmenya ûthingu ûrîa uumaga kûrî Ngai, o nîmageretie kwîrûthîra ûndû wao o ene. Kwoguo nîmaaregire kûrûmîrîra njîra îrîa Ngai atûcaga mûndû mûthingu.

Jakuvu 4:10

Îînyivieni mbere ya Mwathani, nake nîakûmûnenevia.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”

Atir 1:7

Adonibeseki nîwacokire akiuga atîrî, “Nîkwarî na athamaki mîrongo mûgwanja maatinîtue ciara irîa nene cia njara wana cia magûrû. Athamaki acio moocanagia rwîtîki rungu rwa metha yakwa makîrîcaga. Wata ûrîa nekire andû, nwaguo Ngai ambîka.” Adonibeseki nîwacokire akîvirwa Jerusalemu, kûrîa aakuîrîre.