2Maû 11:13 - ÎVUKU RÎA ÛVORO MWARO

¹³ Athînjîri-Ngai na Alawi kuuma vûrûrirî wonthe wa Isiraeli nîmaaumire kûrîa maatûûraga na makîthiî kûrî Rehoboamu.

2Maû 11:13 ပူးပေါင်းရင်းမြစ်များ

1Atha 12:17

Nwatî nîmaatigire Rehoboamu arî mûthamaki wa andû a Isiraeli, arîa tu maatûûraga matûûrarî ma Juda.

1Atha 15:17

Baasha, mûthamaki wa Isiraeli nîwathiîre nîguo akarûe na Juda. Nîwatumire rûthingo rwa vinya Rama, nîguo arigîrîrie andû matikaume kana matonye Juda.

2Atha 4:42

Vîndî îo mûndûmûrûme ûmwe nîwaumire Baali Shalisha avirîrîte Elisha mîgate mîrongo îîrî îrugîtwe na mûtu wa maciaro ma cairi ya mbere mwaka ûcio, na igira cia ngano ikethetwe warîo. Indo icio ciarî nguniarî. Nake Elisha nîwerire ndungata yake înengere arathi marîe.

2Maû 11:12

Nîwaigire ngo na matumû matûûrarî monthe na agîtûma matûûra mau magîe na vinya mûno. Kwoguo Juda na Benjamini ciarî rungu rwa wathani wake.

2Maû 11:14

Alawi nîmaatiganîrie kûndû kwao gwa kûrîthua na kûrîa maatûûraga na makîthiî Juda na Jerusalemu, nîûndû Jeroboamu na avîcî ake nîmaamagirîtie matungata marî athînjîri-Ngai a Ngai-Mûnene.

2Maû 16:1

Mwakarî wa mîrongo îthatû na îtandatû (36) Asa arî mûthamaki wa Juda, Baasha, mûthamaki wa Isiraeli nîwatharîkîre Juda. Nîwambîrîrie kwirigîra îtûûra rîa Rama nîguo arigîrîrie andû matigatonye kana mauma vûrûri wa Juda.

2Maû 23:2

Nîmaathiîre matûûrarî monthe ma Juda na makîgomania Alawi na atongoria onthe a mbarî cia mûvîrîga wa Juda na makîthiî Jerusalemu.

2Maû 30:1

Mûthamaki Hezekia nîwatûmanire Isiraeli kuonthe na Juda na nîwandîkire maarûa agîtûmîra andû a Efiraimu na Manase. Aametire nîguo mathiî Jerusalemu hekarûrî magakûngûîre kîrugo Kîam pasaka ya Ngai-Mûnene, Ngai wa Isiraeli.

Jeremia 23:38

Nwatî mangîregana na watho wakwa na mauge atî, ‘Ndûmîrîri ndito ya Ngai-Mûnene,’ namakaanirie matikauge ndûmîrîri ndito ya Ngai-Mûnene, meere atî

Gûco 12:19

Menyagîrîrani mûtigatiganagîrie Alawi mavinda monthe marîa mûgûtûûra vûrûrirî wenyu.

Josh 22:19

Nwatî ethîrwa vûrûri wenyu tî mwagîrîru wa kûgoocagîrwa, ûkani vûrûrirî wa Ngai-Mûnene kûrîa Îgema rîake rîrî. Ûkani vûrûrirî wetû na mûthuure vandû mûngîtûûra. Mûtikaregane na Ngai-Mûnene na mûtûme wanatue tûtuîka evia a kûregana nake. Mûtigatume metha îngî ya kîgongoona nîûndû kûrî na metha ya kîgongoona ya Ngai-Mûnene, Ngai wetû.