2Maû 11:12 - ÎVUKU RÎA ÛVORO MWARO

¹² Nîwaigire ngo na matumû matûûrarî monthe na agîtûma matûûra mau magîe na vinya mûno. Kwoguo Juda na Benjamini ciarî rungu rwa wathani wake.

2Maû 11:12 ပူးပေါင်းရင်းမြစ်များ

2Sam 13:19

Tamarû nîweîtîrîrie mûu kîongorî gîake, agîtembûranga nguo îo yake ndaca, agîcoka akîîmika ûthiû wake na njara na akîthiî akîrîraga.

2Sam 13:22

Nake Abusalomu nîwamenire Amunoni mûno nîûndû wa kûnyita mwarwang'ina Tamarû na vinya na ndaacoka kwarîria Amunoni rîngî.

2Maû 10:17

na magîtiga Rehoboamu arî mûthamaki wa andû a Isiraeli arîa maatûûraga matûûrarî ma Juda.

2Maû 11:11

Nîwamairigîre na vinya na wa îtûûrarî, nîwaigire mûnene wa athigari a mbaara, nîwatumire nyomba ya kwigagwa irio, maguta ma ndamaiyû, na ndivei.

2Maû 11:13

Athînjîri-Ngai na Alawi kuuma vûrûrirî wonthe wa Isiraeli nîmaaumire kûrîa maatûûraga na makîthiî kûrî Rehoboamu.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 17:12

Mûthamaki Jehoshafati nîwathiîre na mbere kûgîa na vinya mûno vûrûrirî wa Juda. Nîwatumire matûûra marî na nyomba cia kwigwa indo na akîmairigîra na rûthingo.

2Maû 32:5

Hezekia nîwarutire wîra na vinya wa gûtuma rîngî rûthingo rwa Jerusalemu kûrîa rwarî rwomomoku na agîtuma nyomba ndaca na îgûrû cia arangîri rûthingorî rûu. Nîwatumire rûthingo rwa kaîrî mwena wa nja wa rûthingo rûu na agîtuma kûndû kûrîa gwecûrîtue mûthetu mwena wa îrathîro wa îtûûra rîa Daudi nîguo kûgîe na vinya. Wana nîwarûthire ngo na indo nyîngî cia mbaara.

Ezek 37:16

“We mûndû, oca karûthanju kamwe na ûkandîke, ‘Gaka nîka Juda na andû a Isiraeli arîa makonenie nake.’ Coka woce kengî na ûkandîke, ‘Gaka nîka Josefu (karûthanju ka Efiraimu) na andû a Isiraeli onthe arîa makonenie nake.’