2Maû 10:2 - ÎVUKU RÎA ÛVORO MWARO

² Rîrîa Jeroboamu, mûvîcî wa Nebati eegwire ûvoro ûcio, nîwacokire mûciî. Vîndî îo Jeroboamu aarî Misiri kûrîa aathiîte akîûra nî mûthamaki Solomoni.

2Maû 10:2 ပူးပေါင်းရင်းမြစ်များ

1Atha 11:26

Jeroboamu mûvîcî wa Nebati, Mûefiraimu wa îtûûra rîa Zereda ûrîa warî ndungata ya Solomoni, na ng'ina aarî mûndûmûka wa ndigwa wetagwa Zeruia, wanake nîwareganire na Solomoni.

1Atha 11:28

Jeroboamu aarî mwanake mûvoreri. Na rîrîa Solomoni oonire atî mwanake ûcio nîwarutaga wîra na ûvinyaru, nîwamûtwire mûnene wa andû onthe a mûciî wa Josefu arîa maarutithagua wîra na vinya.

1Atha 11:40

Kwoguo Solomoni nîwageririe kûûraga Jeroboamu, nwatî Jeroboamu nîwatorokire na akîthiî kûrî Shishaka, mûthamaki wa Misiri na agîtûûra kûu Misiri nginya rîrîa Solomoni aakwire.

1Atha 12:2

Rîrîa Jeroboamu, mûvîcî wa Nebati eegwire ûguo, nîwacokire Shekemu kuuma Misiri. (Jeroboamu aarî Misiri kûrîa aaûrîrîte nîûndû wa mûthamaki Solomoni.)

2Maû 10:3

Andû a Isiraeli nîmaatûmanîre Jeroboamu athiî. Nao onthe nîmaathiîre kûrî Rehoboamu na makîmwîra atîrî,

2Maû 9:29

Maûndû mau mengî marîa mûthamaki Solomoni eekire kuuma Kîammbîrîria nginya mûthiia nîmandîke rûganorî rwa mûrathi Nathani, Ûrathirî wa Ahija wa kuuma Shilo, na cionekirî cia mwoni Ido ûvororî wîgiî Jeroboamu mûvîcî wa Nebati.