2Maû 1:14 - ÎVUKU RÎA ÛVORO MWARO

¹⁴ Solomoni nîwagîre na ikaari ngiri îmwe na magana mana (1,400) cia mbarathi na athigari ngiri îkûmi na igîrî (12,000) arîa maathiîcaga matwîte mbarathi. Nîwamaigire matûûrarî manene marîa maaigagwa ikaari icio na ciîngî agîciga îtûûrarî rîa Jerusalemu.

2Maû 1:14 ပူးပေါင်းရင်းမြစ်များ

1Atha 10:16

Solomoni nîwaturire ngo magana maîrî (200) irîa nene, na wa ngo nîyakunîkirwe na thaavu ya ûrito wa vakuvî kilo mûgwanja.

1Atha 4:26

Solomoni aarî na inyomba ngiri mîrongo îna (40,000) cia mbarathi cia gûkururia ikaari na andû ngiri îkûmi na igîrî (12,000) arîa maathiîcaga matûîte mbarathi.

1Atha 5:6

Kwoguo tûma ndungata ciaku ithiî Lebanoni ikandemere mîtarakwe. Ndungata ciakwa ikagwatanîra na ndungata ciaku, na ngaakûrîva mûcara wa ndungata ciaku wa ûrîa ûgaatua. We nîwicî atî gûtirî mûndû gatagatîrî getû wîcî gûtema mîtî ta andû a Sidoni.”

1Atha 9:19

vamwe na matûûra monthe kûrîa Solomoni aaigaga indo ciake, matûûra marîa maaigagwa ikaari ciake cia mbaara, matûûra ma andû ake arîa maathiîcaga matûîte mbarathi, na kîrîa kîonthe Solomoni eendaga gûtuma kûu Jerusalemu, wana kûu Lebanoni na vûrûrirî wonthe ûrîa aathanaga.

2Maû 8:6

Nîwatumire rîngî Baalathi na akirigîra matûûra monthe marîa maarî na nyomba cia kwigagwa indo, na matûûra marîa maigîtwe mbarathi na ikaari ciacio. Nîwathiîre na mbere gûtuma kîrîa kîonthe endaga gûtuma Jerusalemu, Lebanoni na kûndû kuonthe kûrîa aathanaga.

2Maû 9:25

Mûthamaki Solomoni aarî na nyomba ngiri inya (4,000) cia mbarathi na ikaari ciacio, na athigari ngiri îkûmi na igîrî (12,000) arîa maathiîcaga matwîte mbarathi. Amwe a athigari acio aamaigire îtûûrarî rîa Jerusalemu kûrîa mûthamaki eekaraga, nao acio engî akîmaiga matûûrarî marîa maaigagwa ikaari cia mbarathi.

Gûco 17:16

Mûthamaki ûcio ndakethîrwe na mbarathi nyîngî, na ndagatûme andû Misiri kûgûra mbarathi nîûndû Ngai-Mûnene aaugire atî andû ake matigaacoka Misiri rîngî.