2Joh 1:12 - ÎVUKU RÎA ÛVORO MWARO

¹² Nîrî na maûndû meengî mûno ma kûmwîra, nwatî ndirenda gwîka ûguo na njîra ya karatathi na rangi. Vandû va ûguo nîmbîrîgîrîrîte gûka kûmwona na twaranîrie metho kwa metho nîguo gîkeno gîetû gîtuîke gîcûru.

2Joh 1:12 ပူးပေါင်းရင်းမြစ်များ

Ndari 12:8

Mbaragia nake metho kwa metho, na mbaragia cararûkû ndagûtûmîra nthimo. Ke nîwîcî ûrîa mvana! Mwaregire gwîtigîra nîkî mûkîaria maûndû macûku megiî ndungata yakwa Musa?”

Johana 15:11

“Nie namwîra maûndû mama nîguo mûgîe na gîkeno ta kîrîa nîrî nakîo na mûgîe na gîkeno gîcûru.

Johana 16:12

“Nîrî na maûndû mengî meengî ma kûmwîra, nwatî rîu mûtingîvota kûmaûmîrîria.

Johana 16:24

Nginya rîu gûtirî ûndû mwanavoya na rîîtwa rîakwa. Voyani namue nîmûkûvewa na mûcoke mûgîe na gîkeno gîkî gîcûru.

Johana 17:13

Rîu nie nîkwa mbûkîte kûrî we. Nîraria maûndû mama nîrî gûkû nthî nîguo arûmîrîri akwa magîe na gîkeno gîcûru ta kîrîa nîrî nakîo.

Johana 3:29

Mûvikania nîke wîthagîrwa arî ke mwene mûviki, nwatî rîrîa mûrûngamîrîri wa ûviki arûngamîte vakuvî na mûvikania na akamûthikîrîria, nî ecûragwa nî gîkeno egua mûvikania akîaria. Na rîu gîkeno gîakwa nîgîcûru.

Aroma 15:24

nîmbîrîgîrîrîte gwîka guo rîu. Mbere ya gûkinya Sipania, nwa mende kûmwona na narîkia gûkenanîra na mue gwa kavinda, mûndethereria kûthiî kuo.

2Tim 1:4

Nîndirikanaga ûrîa warîrire na nînîrenda mûno gûkwona nîguo mbîcûrwe nî gîkeno.

File 1:22

Vamwe na ûguo, varîria nyomba îrîa nîngîkara, nîûndû nîrî na mwîrîgîrîro atî Ngai nîakwîgua mavoya menyu muonthe na nîakûmbîtîkîria mbûke kûrî mue.

Ahib 13:19

Na nîngûmûthaitha mûno makîria mûvoyage nîguo Ngai andûme kûrî mue narua.

Ahib 13:23

Nîngwenda mûmenye atî Mûrû wa îthe wetû Timotheo nî araumire njeera. Ethîrwa nîagûka narua, nîtûgaaûka nake ngîûka kûrî mue.

1Joh 1:4

Tûramwandîkîra ûguo nîguo gîkeno gîetû gîtuîke gîcûru.

3Joh 1:10

Kwoguo rîrîa ngaaûka nîngaaumbûra maûndû monthe marîa ekaga. Nîngaaumbûra ûrîa aragia maûndû meengî macûku matwîgiî. Na twa mau monga, ke mwene ndagwataga ariû na aarî a îthe wetû arîa engî ûgeni na nîagiragia arîa makwenda kûmagwata ûgeni mamagwate na akamengata kanitharî!