2Atha 9:8 - ÎVUKU RÎA ÛVORO MWARO

⁸ Andû onthe a nyomba ya Ahabu nwanginya magaakua; na nîngaaûraga arûme onthe a nyomba yake, arîa ngombo na arîa matarî ngombo.

2Atha 9:8 ပူးပေါင်းရင်းမြစ်များ

2Atha 10:17

Rîrîa maakinyire Samaria, Jehu nîwaûragire andû onthe a nyomba ya Ahabu arîa maatigarîte. Eekire ûguo wata ûrîa Ngai-Mûnene aarîtie na njîra ya Elija.

2Atha 14:26

Ngai-Mûnene nîwonire andû a Isiraeli makîthînîka mûno, nîûndû gûtiarî na mûndû wanarî ûmwe ûngîamatethirie.

2Atha 19:17

We Ngai-Mûnene, nî ûma atî athamaki a Asîria nîmaacûkangîtie ndûrîrî nyîngî na magacûkangia mavûrûri mao.

2Atha 21:13

Ngaaverithia Jerusalemu ta ûrîa nekire Samaria, na Ahabu mûthamaki wa Isiraeli na njiarwa ciake. Ngaathambia Jerusalemu ta ûrîa mûndû athambagia thaani akamîgiria na akamînamia.

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

1Sam 25:22

Ngai arombûraga ethîrwa ndikethîrwa mbûragîte arûme onthe a mûciî wake rûyû mbere ya gûkîe!”