2Atha 9:6 - ÎVUKU RÎA ÛVORO MWARO

⁶ Andû acio oîrî nîmaacokire magîtonya nyomba, na mûrathi ûcio agîtîrîria Jehu maguta kîongorî gîake na akîmwîra atîrî, “Ngai-Mûnene Ngai wa Isiraeli arauga atî, ‘Nagwîtîrîria maguta ûtuîke mûthamaki wa andû akwa a Isiraeli.

2Atha 9:6 ပူးပေါင်းရင်းမြစ်များ

1Atha 1:34

Kûu nîkuo Zadoku na Nathani makaamwîtîrîria maguta atuîke mûthamaki wa Isiraeli. Mûcoke mûvuve karumbeta mûkiugaga atîrî, ‘Mûthamaki Solomoni ûrotûûratûûra!’

1Atha 10:9

Ngai-Mûnene, Ngai waku arogoocwa! Ke nîwonanîtie ûrîa akenetue nîwe na njîra ya gûgûtua mûthamaki wa Isiraeli. Agûtuîte mûthamaki wa Isiraeli nîguo ûtucagîre andû ciira na kîvooto na ûûma, nîûndû Ngai-Mûnene eendire Isiraeli tene na tene.”

1Atha 14:7

Thiî wîre Jeroboamu, Ngai-Mûnene, Ngai wa Isiraeli amwîrîte atîrî, ‘Naakûthuurire kuuma kûrî andû na ngîgûtua mûtongoria wa andû akwa, Aisiraeli.

1Atha 16:2

“We warî mûndû ûtarî na vata, nwatî nînaagûtûgîririe na ngîgûtua mûtongoria wa andû akwa, Aisiraeli. Na rîu nîwîvîtie ta Jeroboamu na ûgatûma andû akwa, Aisiraeli mevie, namo mevia mao magatûma ndakare.

1Atha 19:16

wîtîrîrie Jehu mûvîcî wa Nimushi maguta nîguo atuîke mûthamaki wa Isiraeli, na wîtîrîrie Elisha mûvîcî wa Shafati kuuma Abeli Mehola maguta nîguo atuîke mûrathi vuva waku.

1Atha 3:8

Nînie ûyû ndungata yaku nîrî gatagatî ka andû aku arîa ûthuurîte matuîka aku, andû eengî mûno ûndû matangîtarîka.

2Atha 9:3

Ûcoke woce mûcuva ûyû wa maguta na ûmwîtîrie mo kîongorî gîake, na ûmwîre Ngai-Mûnene arauga atî, nîwagwîtîrîria maguta ûtuîke mûthamaki wa Isiraeli: Ûcoke ume kuo na ûûre na îvenya wata ûrîa ûngîvota.”

2Atha 9:5

na akîthîra anene a athigari macemanîtie. Nîwaugire atîrî, “Mûnene, nîrî na ndûmîrîri yaku.” Nake Jehu nîwamûririe atîrî, “Gatagatîrî getû tuonthe-î, ûrarîria ûrîkû?” Nake mûrathi nîwamûcokerie atîrî, “Nîwe mûnene nîrarîria.”

2Maû 22:7

Ngai nîwathondekete mûvango wa kûûraga Ahazia. Kwoguo rîrîa Ahazia aakinyire Jezireeli, nîmaaumagarire na mûthamaki Joramu nîguo mathiî magatûnge Jehu mûvîcî wa Nimushi. Ngai-Mûnene nîwathuurîte Jehu nîguo akathirie mûciî wa Ahabu.

Thaburi 2:6

“Nîmbigîte mûthamaki ûrîa nthurîte, nîmwigîte Zayuni, kîrîmarî gîakwa kîtheru.”

Thaburi 75:6

Îtuîro rîtiumaga mwena wa îrathîro kana wa îthûîro, rîtiumaga mwena wa rûgûrû kana wa îveti;

Isaia 45:1

Ngai-Mûnene arera Cairasi atîrî, “We wî mûthamaki ûrîa nthuurîte! Nîngwîkîrîte vinya nîguo ûvoote mavûrûri marîa marî mbere yaku; na kûvûrûra athamaki mavinya mao; nie nîngûkûvingûrîra ivingo cia îtûûra, na gûtirî kîvingo gîkaavingwa.

Danieli 2:21

Nîke ûcenjagia mathaa na mavinda. Nîke ûthuuraga na akagwîthia athamaki. Nîke ûvecanaga ûûgî kûrî arîa aûgî na ûtaûku kûrî arîa marî na ûmenyo.

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:32

We nîûkengatwa ume kûrî andû, ûthiî mûgatûûrage na nyamû cia kîthaka. Ûkaarîcaga nyaki ta ndegwa îvinda rîa mîaka mûgwanja. Vîndî îo nîûkaamenya, atî Ngai Ûrîa ûrî Îgûrû Mûno nîke ûrî vinya îgûrû rîa mothamaki monthe ma nthî na nîavecaga mûndû wa ûrîa akwenda ûthamaki.”

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 2:7

Ngai-Mûnene nîke ûtûmaga andû amwe mathîne na agatua arîa engî itonga, nîanyivagia amwe na akanenevia arîa engî.

1Sam 2:8

Nîarutaga mûthîni rûkûngûrî, na agaûkîrîria arîa athîni makauma mathînarî. Ngai-Mûnene nîatûmaga andû acio matuîke arata a anene, na agatûma mekarîre itî cia ûnene. Ngai-Mûnene nîke mwene itugî irîa itiirîrîrîte nthî îno, nîke wigîrîrîte nthî îgûrû rîacio.