2Atha 9:27 - ÎVUKU RÎA ÛVORO MWARO

²⁷ Rîrîa Ahazia, mûthamaki wa Juda oonire ûguo, nîwaûrire erekerete mwena wa Bethi Hagani. Jehu nîwamûrûmîrîrie na akîra andû ake mamûûrage. Nao nîmaamûrathire arî gîkaarirî gîake Kîam mbaara athiîte Guri arî vakuvî na îtûûra rîa Ibuleamu. Nwatî nîwaûrîre Megido, îtûûra rînene na agîkuîra kuo.

2Atha 9:27 ပူးပေါင်းရင်းမြစ်များ

1Atha 21:2

Vîndî îmwe Ahabu nîwerire Nabothi atîrî, “Mva mûgûnda waku wa mîthavibu nîûndû ûrî vakuvî na mûciî wakwa, nîguo nîûtue mûgûnda wa matunda. Nanie nîngûgûkûrananîria na mûgûnda wîngî wa mîthavibu mwaro gûkîra ûcio, kana ûngîenda nîngûkûrîva mbeca irîa ciîganîrîte.”

1Atha 4:12

Baana, mûvîcî wa Ahiludi aathanaga matûûra marîa manene ma Taanaki, Megido na Bethishani kuonthe kûrîa kwarî vakuvî na Zarethani, îrîa îrî mwena wa îveti wa îtûûra rîa Jezireeli, na kuuma Bethishani nginya Abeli-mehola na mwena ûcio wîngî wa Jokimeamu.

2Atha 10:4

Nwatî atongoria a Samaria nîmaamakire mûno na makiuga atîrî, “Ta roria, mûthamaki Joramu na mûthamaki Ahazia nîmaaremirwe nî kûregana na Jehu; nwa tue tûngîvota kûregana nake?”

2Atha 11:1

Rîrîa mûthamaki mûndûmûka Athalia, ng'ina wa Ahazia aamenyire atî mûvîcî nîwaûragwa, nîwathanire andû onthe a nyomba ya mûthamaki maûragwe.

2Atha 12:1

Mwakarî wa mûgwanja Jehu arî mûthamaki wa Isiraeli, Joashi nîwatuîkire mûthamaki wa Juda, na nîwathanire arî Jerusalemu îvinda rîa mîaka mîrongo îna (40). Ng'ina wa Joashi eetagwa Zibia kuuma îtûûra rînene rîa Beerisheba.

2Atha 12:21

Aaûragirwe nî ndungata ciake, Isakaru mûvîcî wa Shimeathi marî na Jehozabadi mûvîcî wa Shomeri. Nîmaamûthikire mbîrîrarî cia athamaki kûu îtûûrarî rînene rîa Daudi, nake mûvîcî Amazia nîwatuîkire mûthamaki vuva wake.

2Atha 14:19

Andû amwe a kûu Jerusalemu nîmeciririe ûrîa makûraga Amazia. Kwoguo Amazia nîwaûrire akîthiî îtûûrarî rînene rîa Lakishi, nwatî nthû ciake nîciatûmire andû na makîthiî na makîmûragîra kuo.

2Atha 21:23

Ndungata cia Amoni nîciavangire ûrîa ikûmûraga na nîciamûragîre nyomba gwake.

2Atha 8:29

Mûthamaki Joramu nîwacokire îtûûrarî înene rîa Jezireeeli nîguo akavorere ironda kuo, nake Ahazia mûvîcî wa Jehoramu mûthamaki wa Juda nîwathiîre Jezireli kûmûcerera nîûndû aarî mûrwaru.

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Ndari 16:26

Musa nîwerire andû atîrî, “Umani magemarî ma andû aya evia mûrûngame varaca nao, na mûtikavutie kîndû wanarî kîmwe Kîamo, kana mûthiranîrue vamwe nao nîûndû wa mevia mao.”

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Josh 17:11

Mavûrûrirî marîa maagaîrwe Isakaru na Asheri kwarî na matûûra manene na icagi irîa ciarî vakuvî namo na maagaîrîtwe mûvîrîga wa Manase. Matûûra mau maarî: Bethi Shani na Ibileamu, Doru (rîrîa rîrî rûtere rwa îria), Endoru, Taanaki, Megido, vamwe na icagi irîa ciarî vakuvî namo.

Atir 1:27

Andû a mûvîrîga wa Manase matiengata andû arîa maatûûraga matûûrarî ma Bethisheani, Taanaki, Doru, Ibileamu, Megido, na icagi irîa ithiûrûrûkîrîtie matûûra mau, nwatî Akanaani nîmaathiîre na mbere gûtûûra vûrûrirî ûcio.

Atir 5:19

Athamaki nî maaûkire na makîrûa mbaara, athamaki a Kanaani maaûkire na makîrûa. Maarûîre Taanaki vakuvî na karûnjî ka Megido; nwatî matiatava wanarî sîlûva.