2Atha 9:11 - ÎVUKU RÎA ÛVORO MWARO

¹¹ Rîrîa Jehu aacokire kûrî anene acio engî, anene acio nîmaamûririe atîrî, “Maûndû monthe nî maro? Mûndû ûcio wa ngoma araûkîte kûrî we nîkî?” Nake Jehu nîwamacokerie atîrî, “Mue nîmwîcî mûndû ûcio na nîmwîcî ûrîa aragia.”

2Atha 9:11 ပူးပေါင်းရင်းမြစ်များ

2Atha 4:26

Vinyûra ûmûtûnge na ûmûrie kana nî mwaro, kana mûrûme nî mwaro, na kana mûvîcî nî mwaro.” Nake mûndûmûka nîwerire Gehazi atîrî, “Maûndû monthe nî maro.”

2Atha 5:21

Kwoguo Gehazi nîwarûmîrîrie Naamani na îvenya. Rîrîa Namani oonire mûndûmûrûme amûkinyîrîrîte na îvenya, nîwaumire gîkaarirî gîake Kîam mbaara nîguo amûtûnge, na nîwamûûririe atîrî, “Nîkwa kûrî na thîna?”

2Atha 9:12

Nao nîmaacokirie atîrî, “Naarî tûtiîcî! Twîre ûrîa akwîra!” Nake Jehu nîwamerire mûrathi ûcio ambîra atîrî, “Ngai-Mûnene augîte, ‘Nagwîtîrîria maguta ûtuîke mûthamaki wa Isiraeli.’ ”

2Atha 9:17

Rîrîa mûrangîri wa îtûûra aarûngamîte îgûrû rîa nyomba ndaca na îgûrû kûu Jezireeli, nîwonire Jehu na gîkundi Kîam andû ake maûkîte na akiuga atîrî, “Nînîrona andû maûkîte!” Nake Joramu nîwaugire atîrî, “Tûma mûndû ûmwe ûrîa ûthiîcaga atûîte mbarathi athiî agatuîrie amenye kana maûkîte na thayû.”

2Atha 9:19

Joramu nîwatûmire mûnjaama wa kaîrî athiî kûrî Jehu na gîkundi Kîam andû ake na akîmûria atîrî, “Mûthamaki arenda kûmenya kana ûkîte na thayû.” Nake Jehu nîwamûcokerie atîrî, “Ûcio tî wîra waku. Coka vuva wakwa na ûnûmîrîre.”

2Atha 9:2

Wakinya kuo, ûgaacaria Jehu, mûvîcî wa Jehoshafati. Jehoshafati aarî mûvîcî wa Nimushi. Wamwona ûmûrute kûrî arata ake na mûthiî nake kanyombarî ka ndaarî.

2Atha 9:22

Rîrîa Joramu oonire Jehu, nîwamûririe atîrî, “Ûkîte na thayû?” Nake Jehu nîwamûcokerie atîrî “Kûngîthîrwa kwî na thayû atîa rîrîa ûragûri na ûvoi wa ngai cia mîvuanano irîa ciaretirwe nî nyûkwe, Jezebeli ciîngîvîte ûguo?”

Isaia 59:15

Ûvoro wa ma ndwîthagîrwa kuo, na mûndû wa wonthe ûtiganaga na maûndû macûku nîkwa averithagua. Ngai-Mûnene nîwonire maûndû mau, na nîwarakarire nîûndû gûtiarî na kîvooto.

Jeremia 29:26

‘Ngai-Mûnene nîwagûtwire mûthînjîri-Ngai vandûrî va mûthînjîri-Ngai Jehoiada, na rîu nîwe mûtongoria hekarûrî. Nî wîra waku kwona atî mûndû wa wonthe wa ngoma, wîtucaga atî nî mûrathi hekarûrî ya Ngai-Mûnene nîwanyitwa na ovwa na mvîngû na aikua njeera.

Hosea 9:7

Mîthenya ya kûverithania nî mîkinyu, mîthenya ya kwîrîvîrîria nîmîkinyu; andû a Isiraeli nwa nginya mamenye mûthenya ûcio. Mue mugaga atî, “Mûrathi nî kîrimû na mûndû ûrîa ûrî na Roho arî na ngoma.” Mugaga ûguo nîûndû wa mevia menyu meengî, na nîûndû wa rûmena rwenyu rûnene îgûrû rîake.

Maariko 3:21

Rîrîa andû a mûciî wao meeguire ûguo, nîmaathiîre kûmûnyita, nîûndû andû maugaga atî, “Nîagûrûkîte.”

Johana 10:20

Eengî gatagatîrî kao nîmaambîrîrie kuga atîrî, “Ke arî na ndaimono, na arî na ngoma! Mûramûthikîrîria nîkî?”

Ciîko 17:18

Nao arimû amwe arîa meendete mûno ûûgî wa Epikurio na Sitoiki wa nao nîmaakararanirie nake. Amwe gatagatîrî kao nîmaaûririe atîrî, “Mûvûmbûtîki ûyû arageria kuga atîa?” Nao engî gatagatîrî kao nîmaaugire atîrî, “Ke aronekana takwa arî mûvunjia wa ngai ng'eni.” O maaugire ûguo nîûndû Paûlo nîwavunjagia ûvoro wîgiî Jesû na wîgiî kûriûka.

Ciîko 26:24

Rîrîa Paûlo eetetagîra na njîra îo, Fesito nîwamûgûkirie akîmwîra atîrî, “We Paûlo wî na ngoma. Kîthomo kîu gîaku kînene nîkîo kîratûma ume ngoma!”

1Akor 4:10

Tûrî irimû nîûndû wa Kristû. Nwatî mue mûrî aûgî mûrî na ûrûmwe na Kristû. Tûtirî na vinya, nwatî mue mûrî na vinya! Mue mûrî atîîe nwatî tue tûrî anyarare!

2Akor 5:13

Nîûndû ethîrwa tûrî na meciria matarî maro, tûrî namo nîûndû wa Ngai; na ethîrwa tûrî na meciria maro, tûrî namo nîûndû wenyu.