2Atha 8:10 - ÎVUKU RÎA ÛVORO MWARO

¹⁰ Elisha nîwacokirie atîrî, “Thiî ûmwîre nîakûvona; nwatî Ngai-Mûnene nîanguûrîrîtie atî nama nîagûkua.”

2Atha 8:10 ပူးပေါင်းရင်းမြစ်များ

Kîam 2:17

tiga matunda ma mûtî ûrîa ûmenyithanagia maûndû maro na macûku. Ndûkanarîe matunda ma mûtî ûcio nîûndû vîndî îrîa ûkaamarîa, nwanginya ûgaakua.”

Kîam 41:39

Kwoguo mûthamaki nîwerire Josefu atîrî, “Nîûndû Ngai nîakwonetie maûndû mama monthe, gûtirî mûndû wîngî ûngîthîrwa arî na ûmenyo na ûûgî tawe.

1Atha 22:15

Rîrîa Mikaia aakinyire kûrî mûthamaki Ahabu, Mûthamaki nîwamûririe atîrî, “Mikaia, nie na mûthamaki Jehoshafati tûthiî mbaararî kûu Ramothi-gileadi kana twîkare?” Nake Mikaia nîwamûcokerie atîrî, “Thiî kuo na ûtharîkîre na nîûkûvootana! Ngai-Mûnene nîagûkûvotithia kûvootana.”

2Atha 1:16

na akîra mûthamaki atîrî, “Ngai-Mûnene akwîrîte atî nîûndû nîwatûmire anjaama makaûrie ûtaaro kûrî Baalizebubu, ngai ya Ekironi takwa Isiraeli gûtarî ngai îngîûrua ûtaaro, we tîûvora mûrimû ûyû waku, nwatî nîûgûkua!”

2Atha 1:4

Rîu thiîni mwîre mûthamaki atî Ngai-Mûnene augîte atîrî, ‘Tîûvora mûrimû ûyû waku, nwatî nama we nîûgûkua!’ ” Kwoguo Elija nîwekire wata ûrîa Ngai-Mûnene aamwathire.

Jeremia 38:21

Nwatî ûngîrega kwîvecana kûrî o, Ngai-Mûnene nîamvete kîoneki.

Ezek 11:25

Nînacokire ngîra andû arîa maarî îthamîriorî maûndû monthe marîa Ngai-Mûnene aamonetie.

Ezek 18:13

nîakovithanagia indo agetia umithio na agoca maciaro makîria, nî agatûûra mwoyo? Ndagaatûûra mwoyo. Nîekîte maûndû monthe marîa marî mûgiro na nîagaakua. Ke nîagaacokererwa nî nthakame yake ke mwene.

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Amosi 7:1

Mama nîmo maûndû marîa Ngai-Mûnene aamonirie: Nînonire akîûmba gîtutu Kîam ngige vîndî îrîa nyaki yambagîrîria kûtheûka yarîkia gûtemerwa mûthamaki.

Amosi 7:4

Ngai-Mûnene, Ngai nîwamonirie Kîoneki gîkî gîa kaîrî. Nînonire Ngai-Mûnene Ngai agîta mwaki nîguo averithie andû naguo. Mwaki ûcio nîwavîvirie manjî ma îria nginya kûrîa kûrikîru mûno na ûgîtamba nginya nthî nyûmû.

Amosi 7:7

Ngai-Mûnene nîwacokire akîmonia kîoneki gîa kathatû. Nînonire Ngai-Mûnene arûngamîte vakuvî na rûthingo anyitîte kabirû.

Amosi 8:1

Ngai-Mûnene nîwamonirie kîoneki kîngî: Nînonire gîkavu gîcûrîte matunda ma vîndî ya riûa.

Zakaria 1:20

Ngai-Mûnene nîwacokire akîmonia aturi ana a cuuma.

Kûguû 22:1

Mûraika nîwacokire akîmonia rûnjî rwa manjî ma mwoyo. Rûnjî rûu rwaumîte gîtîrî Kîam ûthamaki Kîam Ngai na Kîam Gatûrûme, namo manjî ma ruo maarî matheru na makengaga ta îra.