2Atha 7:7 - ÎVUKU RÎA ÛVORO MWARO

⁷ Kwoguo andû a Sîria nîmaaûrire kûrî na rûkurerema nîguo matikaûragwe na nîmaatiganîrie mbarathi ciao na mvunda ciao na magîtiga kûrîa maambîte magema wata ûrîa gwekariî.

2Atha 7:7 ပူးပေါင်းရင်းမြစ်များ

1Atha 10:29

Andû acio maagûraga gîkaari Kîam mbaara Misiri na thogora wa sîlûva magana matandatû (600), nayo mbarathi sîlûva îgana rîa mîrongo îtano (150). Andû acio meendagîria athamaki a Ahiti na a Sîria indo icio.

1Atha 20:20

na wa Mûisiraeli nîwaûragîre nthû yake îrîa aatharîkîre. Kwoguo Asîria nîmaaûrire, nao andû a Isiraeli makîmarûmîrîria. Nwatî Benihadadi, mûthamaki wa Sîria nîwaûrire atwîte mbarathi, marî na athigari amwe arîa maathiîcaga matûîte mbarathi.

Ayubu 18:11

Athiûrûrîkîrîtue nî maûndû ma kûmwîkîra guoya, marûmanagîrîra nake îkinyo gwa îkinyo.

Thaburi 33:17

Mbarathi cia mbaara itingîvotithia mûndû kûvootana, vinya wa cio mûnene ndûngîvonokia mûndû.

Thaburi 68:12

“Athamaki na athigari ao a mbaara nîmaraûra!” Aka arîa maarî mîciî nîmaagaanire indo irîa ciatavîtwe,

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Nthi 28:1

Mûndû mwaganu aûraga wana atarî mûvinyûrie nî mûndû, nwatî ûrîa mûthingu ethagîrwa aûmîrîrîtie ta mûnyambû.

Nthi 6:5

Îîvonokie ta nthiia îkiuma kûrî mûguîmi, kana ta gîconi gîkiuma kûrî mûtegi.

Isaia 2:20

Mûthenya ûcio, andû nîmagaaikîria mbuko na mvuvu, mîvuanano yao ya sîlûva na ya thaavu, îrîa meerûthîre nîguo mamîgoocage.

Ahib 6:18

Kûrî na maûndû maîrî marîa matangîgarûrîka namo nî atî: Ngai ndangîîricûkwa rîrîa akwîranîra ûndû, na ndangîveenania rîrîa akwîvîta. Maûndû mama nîmatûmagîrîria tue arîa tûthiîcaga kûrî Ngai nîguo atûgitîre, na nîmatûvecaga vinya wa gûtûûra tûrî na kîîrîgîrîro kîrîa kigîtwe mbere yetû.

Atir 7:21

Nao nîmaarûngamire wa mûndû varîa aarî marigicîrîtie magema ma Amidiani mîena yonthe. Nao athigari onthe a mbaara a Midiani nîmaaûrire makîrîraga.

1Sam 14:15

Nao Afilisiti onthe arîa maarî na kûu mîgûndarî makîmaka. Andû arîa maathiîte kûûragana vamwe na athigari arîa maarî magemarî nîmaainainire nîûndû wa guoya; nîkwagîre na kîthingithia nthî na gûkîgîa na kîmako kînene mûno.