2Atha 7:6 - ÎVUKU RÎA ÛVORO MWARO

⁶ Ngai-Mûnene nîwatûmîte athigari a Sîria megue ta mûgambo wa ikaari cia mbaara na ta wa mbarathi, ta mûgambo wa athigari eengî mûno a mbaara, na makîrana atîrî, “Taroria, mûthamaki wa Isiraeli nîakomborete athamaki a Ahiti, na athamaki a Misiri nîguo maûke matûtharîkîre.”

2Atha 7:6 ပူးပေါင်းရင်းမြစ်များ

2Sam 10:6

Rîrîa Aamoni moonire atî nîmatuma ûthû na Daudi, nîmaakomborire athigari ngiri mîrongo îîrî cia Sîria kuuma Bethireehobu na Zoba, athigari ngiri îkûmi na igîrî kuuma Tobu, na mûthamaki wa Maaka na athigari ake ngiri îmwe.

2Sam 5:24

Rîrîa ûkegua mûgambo ta wa andû mathirîrîte îgûrû rîa mîtî ya mîkûngûgû, vîndî îo ûkatharîkîra nîûndû ngethîrwa ngûtongoreretie ûkîthiî kûvûûra athigari a mbaara a Afilisiti.”

1Atha 10:29

Andû acio maagûraga gîkaari Kîam mbaara Misiri na thogora wa sîlûva magana matandatû (600), nayo mbarathi sîlûva îgana rîa mîrongo îtano (150). Andû acio meendagîria athamaki a Ahiti na a Sîria indo icio.

1Atha 20:20

na wa Mûisiraeli nîwaûragîre nthû yake îrîa aatharîkîre. Kwoguo Asîria nîmaaûrire, nao andû a Isiraeli makîmarûmîrîria. Nwatî Benihadadi, mûthamaki wa Sîria nîwaûrire atwîte mbarathi, marî na athigari amwe arîa maathiîcaga matûîte mbarathi.

2Atha 19:7

Taroria, kûrî ûvoro ngûtûma mûthamaki wa Asîria egue na ûtûme acoke vûrûrirî wake, na kûu nîkuo ngaatûma aûragîrwe.”

2Atha 7:5

Kwoguo nîmaathiîre kûrî na rûkurerema kûrîa andû a Sîria matûûraga; nwatî rîrîa maakinyire kîvingorî Kîamo, mationa mûndû.

Ayubu 15:21

Egucaga mîgambo ya kûmakania matûûrî make; rîrîa agwîciria arî na thayû, nîrîo atharîkagîrwa nî acunani.

Thaburi 14:5

Ngai nîagaatûma andû acio manyitwe nî guoya, nîûndû Ngai nîatethagia andû arîa athingu.

Isaia 31:1

Kaî arîa mathiîcaga Misiri gûcaria ûtethio marî thînarî-î, arîa mevokaga mbarathi nîûndû atî nî nyîngî, arîa mevokaga ikaari ciao cia mbaara nîûndû nî nyîngî, na athigari arîa mathiîcaga matwîte mbarathi nîûndû marî vinya nyîngî, nwatî matiîvokaga Ûrîa Mûtheru wa Isiraeli, kana maûria ûtaaro kûrî Ngai-Mûnene.

Isaia 36:9

We ûngîvota kwîgananua atîa wanarî na mûnene ûrîa mûnini mûno gatagatîrî ka ndungata cia mûthamaki wa Asîria, na nwa wîvokete mûthamaki wa Misiri agûtûmîre ikaari cia mbarathi na andû arîa mathiîcaga matwîte mbarathi?

Jeremia 46:21

Wana athigari ake a gûkomborwa, nîta njaû noru; wanao nîagarûrûku makavinyûra vamwe, matiavota kûmîrîria, nîûndû mûthenya wao wa gûcûkangua nî mûkinyu, îvinda rîao rîa kûverithua nîrîkinyu.

Ezek 1:24

Nînegwire mûgambo wa mathagu ma cio magûrûkîte; mûgambo wamo warî ta wa mûrurumo wa manjî meengî, mûgambo ta wa athigari a mbaara eengî, mûgambo ta wa Ngai. Na rîrîa ciarûngama nîciakûnjaga mathagu mau.

Ezek 10:5

Mûgambo ûrîa waumaga mathagurî ma Akerubi nîweguîkaga nginya kîvarorî Kîam nja. Mûrurumo wamo wagambaga ta mûgambo wa Ngai mwene Vinya wonthe.

Kûguû 9:9

Ngige icio nîciekîrîtwe indo cia kûgitîra ithûri cia cio ciekariî ta ngo cia cuuma. Nayo mîgambo îrîa yaumaga mathagurî ma cio igûrûkîte yagambaga ta înegene rîa ikaari nyîngî cia mbarathi ivinyûrîte mbaararî.

Atir 7:21

Nao nîmaarûngamire wa mûndû varîa aarî marigicîrîtie magema ma Amidiani mîena yonthe. Nao athigari onthe a mbaara a Midiani nîmaaûrire makîrîraga.

1Sam 14:15

Nao Afilisiti onthe arîa maarî na kûu mîgûndarî makîmaka. Andû arîa maathiîte kûûragana vamwe na athigari arîa maarî magemarî nîmaainainire nîûndû wa guoya; nîkwagîre na kîthingithia nthî na gûkîgîa na kîmako kînene mûno.

1Sam 26:6

Daudi nîwaûririe Ahimeleku ûrîa Mûhiti na Abishai mûrwang'ina na Joabu (ng'ina eetagwa Zeruia) atîrî, “Nî ûrîkû gatagatîrî kenyu muoîrî tûkûthiî nake îgemarî rîa Saûlo?” Nake Abishai nîwacokirie atîrî, “Nî nie.”