2Atha 7:2 - ÎVUKU RÎA ÛVORO MWARO

² Mûnene ûrîa ûtethagîrîria mûthamaki nîwerire Elisha atîrî, “Ûguo gûtingîvoteka, wana kethîrwa Ngai-Mûnene ke mwene nwa aurithie mbura kuuma îgûrû!” Nake Elisha nîwacokirie atîrî, “Nîûkeyonera na metho maku ûndû ûcio ûgîkîka, nwatî ndûkaarûma irio icio.”

2Atha 7:2 ပူးပေါင်းရင်းမြစ်များ

Kîam 7:11

Mûthenya wa îkûmi na mûgwanja mweri wa kaîrî, Nuhu arî na ûkûrû wa mîaka magana matandatû (600) ithima cia manjî monthe marîa marî rungu rwa nthî nîciavingûkire. Wana cio ivingo cionthe cia manjî ma îgûrû, nîciavingûkire.

2Atha 5:18

Ngai-Mûnene aronjovagîra rîrîa ngaathiîcania na mwathi wakwa hekarûrî ya Rimoni, athiîte kûmîgooca. Nama, Ngai-Mûnene aronjovera!”

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

Thaburi 78:41

Meekaraga makîgeragia Ngai, na magatûma Ûrîa Mûtheru wa Isiraeli arakare.

Isaia 7:9

Îtûûra rîrîa rînene rîa Isiraeli nî Samaria, na mûnene wa Samaria nî mûvîcî wa Remalia.” “Ethîrwa tî mwîtîkia, nama mûtigekindîria.”

Jeremia 29:32

Kwoguo nie Ngai-Mûnene nîrauga atî nîngûverithia Shemaia mûvîcî wa Nehelamu vamwe na rûciaro rwake. Gûtirî mûndû wanarî ûmwe wa arîa metanîtue nake ûgatigara arî mwoyo nîguo one maûndû maro marîa ngeka andû akwa, nîûndû ethîrîtwe akîra andû maregane nanie Ngai-Mûnene. Ûguo nîguo nie Ngai-Mûnene nauga.”

Malaki 3:10

“Reteni matega menyu makûmbîrî makwa, nîguo nyomba yakwa îgîe na irio cia kwîgana. Mue nwa mûcoke mûngerie. Mweka ûguo, nîmûkoona kana tîmvingûra ndirica cia îgûrû na nîmwîtûrûrîre irathimo ciakwa.

Ndari 11:13

Andû aya onthe mararîra makîmbîraga nîmave nyama marîe; nînîmarutîra kû?

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Aroma 3:3

Narîo ethîrwa amwe gatagatîrî kao matiarî evokeku, ûguo nwa ûtûme Ngai atuîke tî mwîvokeku?

Gûco 3:27

Unûkia ûthiî kîrîmarî Kîam Pisiga îgûrû, ûcoke ûrorie mwena wa îthûîro, wa rûgûrû, wa îveti na wa îrathîro; ûrorie waro na metho maku, nîûndû ndûkaaringa Jorodani ûthiî vûrûrirî ûcio.

2Tim 2:13

Ethîrwa tûtirî evokeku, ke atûûraga arî mwîvokeku, nîûndû ndangîveenia.”