2Atha 7:18 - ÎVUKU RÎA ÛVORO MWARO

¹⁸ Elisha nîwerîte mûthamaki, atî mûthenya ûcio wîngî îvinda wata rîu, kilo ithatû cia mûtu ûrîa mwaro mûno kana kilo ithathatû cia cairi ikendagua gacunjî kamwe ga sîlûva kûu Samaria.

2Atha 7:18 ပူးပေါင်းရင်းမြစ်များ

Kîam 18:14

Kûrî ûndû Ngai-Mûnene atangîvota gwîka? Wata ûrîa nauga, nî ngaacoka vuva wa mîeri kenda kuuma rîu, na Sara nîakaagîa na kamwana.”

2Atha 6:32

Nîwacokire agîtûma mûnjaama athiî akagîre Elisha. Vîndî îo Elisha aarî mûciî marî na athuuri arîa maathiîte kûmûcerera. Mbere ya mûnjaama ûrîa mûthamaki aatûmîte akinye, Elisha nîwerire athuuri acio atîrî, “Mûragani nîwatûma mûndû aûke ambûrage! Vîndî îrîa agaakinya gûkû, mûkavinga mûrango na mûtikamwîtîkîrie atonye. Mûthamaki ke mwene akethîrwa amumîte vuva.”

2Atha 7:19

Ûndû ûcio nîguo mûnene wa athigari aareganire naguo rîrîa aaugire atîrî, “Ûguo gûtingîvoteka, wana kethîrwa nîkwa Ngai-Mûnene ke mwene angiurithia mbura kuuma îgûrû!” Nake Elisha nîwamwîrîte atîrî, “Ûkeyonera na metho maku ûndû ûcio ûgîkîka, nwatî ndûkaarûma irio icio.”

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.