2Atha 6:32 - ÎVUKU RÎA ÛVORO MWARO

³² Nîwacokire agîtûma mûnjaama athiî akagîre Elisha. Vîndî îo Elisha aarî mûciî marî na athuuri arîa maathiîte kûmûcerera. Mbere ya mûnjaama ûrîa mûthamaki aatûmîte akinye, Elisha nîwerire athuuri acio atîrî, “Mûragani nîwatûma mûndû aûke ambûrage! Vîndî îrîa agaakinya gûkû, mûkavinga mûrango na mûtikamwîtîkîrie atonye. Mûthamaki ke mwene akethîrwa amumîte vuva.”

2Atha 6:32 ပူးပေါင်းရင်းမြစ်များ

1Atha 14:6

Nwatî rîrîa Ahija aamwîguîrîre mûrangorî aûkîte, nîwamwîrire atîrî, “Tonya, mûka wa Jeroboamu. Ûretua mûndû wîngî nîkî? Nîrî na ndûmîrîri yaku îtarî mbaro.

1Atha 18:4

na rîrîa Jezebeli aaûragaga arathi a Ngai-Mûnene, Obadia nîwocire arathi îgana rîmwe na akîmathitha ngurungarî marî ikundi igîrî cia arathi mîrongo îtano, na akîmava mîgate na manjî.)

1Atha 21:10

Mwige mîkora îîrî yerekanîrîte nake nîguo îmûthitange îkîmwîraga atî nîarumîte Ngai vamwe na mûthamaki. Mûcoke mûmûrute nja ya îtûûra na mûmûûrage na mathiga.”

1Atha 21:13

Nayo mîkora îîrî nîyathiîre na îgîkara yerekanîrîte nake na nîyamûthitangire andû onthe makîgucaga atî nîarumîte Ngai vamwe na mûthamaki. Kwoguo Nabothi nîwarutirwe nja ya îtûûra na akîûragwa na mathiga.

1Atha 21:19

Ûmwîre, nie Ngai-Mûnene namwîra atî, ‘Vuva wa kûûraga Nabothi, nîkwa ûrenda gwîyocera indo ciake wanacio?’ Ûmwîre nauga, atî ‘vandû wa varîa nthakame ya Nabothi yetîkire na îgîcûnwa nî ngui nwavo igaacûnîra nthakame yaku!’ ”

2Atha 5:26

Nwatî Elisha nîwerire Gehazi atîrî, “Kinthî tûtirarî nawe kîîroho rîrîa mûndûmûrûme aumire gîkaarirî gîake Kîam mbaara na agûtûnga? Kau nîko kararî kavinda ga kwamûkîra mbeca, nguo, mîgûnda ya mîtamaiyû îrîa îciaraga matunda na ya mîthavibu, ng'ondu na ndegwa wana kana ndungata cia aka na cia arûme?

2Atha 6:12

Ûmwe wa ndungata ciake nîwaugire atîrî, “Ûûi, mwathi wakwa mûthamaki gûtirî mûndû wanarî ûmwe. Nwatî mûrathi Elisha nîke wîraga mûthamaki wa Isiraeli maûndû marîa waragia ûrî nyombarî îrîa ûmamaga.”

2Atha 7:17

Mûthamaki wa Isiraeli nîwaigîte mûthigari ûrîa wamûtethagîrîria, arî mûrangîri wa kîvingo. Mûthigari ûcio nîwakinyangirwe nî andû na agîkua, wata ûrîa Elisha erîte mûthamaki rîrîa mûthamaki aathiîte kûrî ke.

Jeremia 11:18

Ngai-Mûnene nîwamenyithirie nanie ngîmenya; Ngai-Mûnene nîwamenyithirie mîvango yao mîcûku.

Jeremia 32:3

Zedekia mûthamaki wa Juda nîke wavingîrîte Jeremia, akîmûragia atîrî, “Nîndûî gîtûmîte ûrathe maûndû ûkiugaga Ngai-Mûnene augîte atî, ‘Nîngûvecana îtûûra rîîrî kûrî mûthamaki wa Babuloni na nîakûrîîgwatîra.

Ezek 14:1

Vîndî îmwe atongoria a Isiraeli nîmaaûkire kûrî nie kûria ûtaaro.

Ezek 20:1

Mûthenya wa îkûmi wa mweri wa gatano, mwaka wa mûgwanja kuuma twathiî îthamîriorî, athuuri amwe a Isiraeli nîmaaûkire kûrî nie. Nîmeekarire nthî mbere yakwa makîenda gûtuîria wendi wa Ngai-Mûnene kuuma kûrî nie.

Ezek 33:31

Andû maûkaga kûrî we marî ikundi na magekara nthî mbere yaku ta andû akwa nîguo megue ûrîa ûkûmera, nwatî matiîkaga ûrîa wamera meke. Maugaga na tûnyua twao atî marî na wendani, nwatî kîrîa macaragia na ngoro ciao nî ûrîa makûgîa na indo.

Ezek 8:1

Mûthenya wa gatano mwerirî wa gatandatû mwaka wa gatandatû, naarî gwakwa mûciî tûrî vamwe na athuuri a Juda. Wa rîmwe nînagîrwe nî vinya wa Ngai-Mûnene.

Luka 13:32

Nake Jesû nîwamacokerie atîrî, “Tathiîni mwîre mbwe îo atî ûmûnthî wana rûyû nîmbîthîrwa nîrî gûkû ngîrutûrûraga ngoma kuuma kûrî andû na ngîmavonagia mîrimû yao. Narîo aûke nîngarîkia wîra wakwa.