2Atha 6:28 - ÎVUKU RÎA ÛVORO MWARO

²⁸ Mûthamaki nîwacokire akîûria mûndûmûka ûcio atîrî, “Nîndûî kîrakûthînia?” Nake mûndûmûka ûcio nîwamûcokerie atîrî, “Mûndûmûka ûyû aambîrire atî tûrîe kaana gakwa ga kavîcî ûmûnthî, tûgaacoka tûrîe kaana gake ga kavîcî mûthenya ûcio wîngî.

2Atha 6:28 ပူးပေါင်းရင်းမြစ်များ

Kîam 21:17

Ngai nîwegwire kamwana kau gakîrîra. Nake mûraika wa Ngai kuuma îgûrû, nîwaririe na Hagari akîmûria atîrî, “Nîndûî kîrakûthînia Hagari? Tiga kûmaka nîûndû Ngai nîwegua kavîcî gaku gakîrîra karî varîa karî.

2Sam 14:5

Nake mûthamaki nîwamûûririe atîrî, “Ûrenda atîa?” Nake mûndûmûka agîcokia atîrî, “Mwathi wakwa nie nîrî mûndûmûka wa ndigwa, nîûndû mûthuuri wakwa nîwakwire.

2Atha 6:27

Nake mûthamaki nîwamwîrire atîrî, “Ethîrwa Ngai-Mûnene tîagûtethia, nie nîngîgûtethia na ndûî? Ndirî na ngano kana ndivei.”

Thaburi 114:5

We îria, gwekîkire atîa nîguo ûûre? Nawe Jorodani, watigire kûnyûrûrûka nîkî?

Isaia 22:1

Îno nî ndûmîrîri nene îgiî Kîanda gîa Kîoneki. Nîkwa kûrî na ndûî, rîu andû onthe maratwa nyomba îgûrû?

Isaia 49:15

Mûndûmûka nwa ariganîrwe nî kaana gake karîa arongithia, na arega kwîgua ntha nî mwana ûrîa aciarîte? Wana ethîrwa mûciari wa mûndûmûka nwa ariganîrwe nî mwana wake, nie ndikaariganîrwa nîwe.

Maca 4:10

Aka arîa marî ntha mûno, nîmaarugire ciana ciao, makîirîa irî irio, rîrîa andû akwa macûkangirue.

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Alawi 26:29

Yûra nî rîkaaneneva mûno nginya rîtûme mûrîcage ciana cienyu.

Luka 23:29

Nîûndû mîthenya nîyûkîte rîrîa andû makaambîrîria kuga atîrî, ‘Na kaî aka arîa nthaata arîa mataanaciara na arîa matanongia, nîarathime-î.’

Atir 18:23

Rîrîa maamakinyîre nîmaaugîrîrie andû acio a Dani, nao andû a Dani nîmeevûgûrire na makîûria Mika atîrî, “Nî atîa ûrenda, ûgîûka na andû acio onthe?”

1Sam 1:8

Nake mûthuuriwe, Elikana nîwamûririe atîrî, “Hana, ûrarîra nîkî? Na ûrarega kûrîa irio nîkî? Na ûregua kîeva nîkî? Na kinthî nie ndirî vata gûkîra ivîcî îkûmi?”