2Atha 6:24 - ÎVUKU RÎA ÛVORO MWARO

²⁴ Vuvarî, Benihadadi, mûthamaki wa Sîria nîwatongoririe athigari ake onthe a mbaara na makîthiî makîrigicîria îtûûra rîa Samaria.

2Atha 6:24 ပူးပေါင်းရင်းမြစ်များ

1Atha 20:1

Benihadadi, mûthamaki wa Sîria nîwaûnganirie athigari ake onthe. Nîwatethererue nî athamaki engî mîrongo îthatû na aîrî (32) marî na mbarathi ciao na ikaari cia mbaara, nîwathiîre akîthiûrûrûkîria îtûûra rîa Samaria na akîrîtharîkîra.

1Atha 22:31

Mûthamaki wa Sîria nîwathîte anene ake mîrongo îthatû na aîrî (32) a ikaari ciake cia mbaara matikarûe na andû acio engî tiga mûthamaki wa Isiraeli.

2Atha 17:5

Mûthamaki wa Asîria nîwacokire agîtonyerera vûrûri wonthe wa Isiraeli na agîkinya Samaria. Nîwathiûrûrûkîrie îtûûra rîu îvinda rîa mîaka îthatû. (3)

2Atha 18:9

Mwakarî wa kana Hezekia arî mûthamaki, (ûcio nîguo warî mwaka wa mûgwanja, Hosea arî mûthamaki wa Isiraeli) Shalimaneseri, mûthamaki wa Asîria nîwatharîkîre itûûra rîa Samaria na akîrîrigicîria.

2Atha 25:1

Mûthenyarî wa îkûmi, mweri wa îkûmi mwakarî wa kenda, Zedekia arî mûthamaki, Nebukadinezarû mûthamaki wa Babuloni nîwathiîre na athigari ake onthe na makîtharîkîra îtûûra rîa Jerusalemu na magîtuma rûthingo marîthiûrûrûkîrîtie.

2Atha 25:3

Mûthenyarî wa kenda, mwerirî wa kana mwakarî wa ûcio, yûra nîrîanenevire mûno îtûûrarî rîu nginya gûgîtura kîndû andû mangîrîa vûrûrirî.

2Atha 6:8

Vîndî îmwe rîrîa mûthamaki wa Sîria aarûaga na andû a Isiraeli, nîwagîre ndundu na ndungata ciake na akîthuura vandû varîa aambire îgema rîake.

2Atha 7:4

Tûngiuga atî tûtonye îtûûrarî, nîtûgaakuîra kuo nî yûra, na twekara ava wanarîo nwa tûgaakua. Kwoguo tûthiîni kûrîa andû a Sîria matûûraga, matûûrage kana marege gûtûûraga.”

2Atha 8:7

Elisha nîwathiîre Damesiki vîndî îrîa mûvîcî wa Hadadi, mûthamaki wa Sîria aarî mûrwaru. Rîrîa mûthamaki eerirwe atî Elisha aarî kûu,

Mûvunjia 9:14

Kwarî na gatûûra kanini gataarî na andû eengî kuo. Mûthamaki warî na vinya na athigari ake a mbaara nîwakarigicîrie nîguo akatharîkîre.

Amosi 1:4

Kwoguo nîngaatûma mwaki kûrî nyomba ya Hazaeli, na nîûgacûkangia kûndû kûrîa kûgitîre kwa mûthamaki Benihadadi.

Gûco 28:52

Andû acio nîmakaarigicîria matûûra menyu monthe marîa marî vûrûrirî ûrîa Ngai-Mûnene Ngai wenyu amûveete, na momomore nthingo irîa imagitîrîte irîa mwîvokete atî ikaamûgitagîra.