2Atha 6:21 - ÎVUKU RÎA ÛVORO MWARO

²¹ Rîrîa mûthamaki wa Isiraeli oonire andû a Sîria nîwaûririe Elisha atîrî, “Vava, nîmaûrage? Nîmaûrage?”

2Atha 6:21 ပူးပေါင်းရင်းမြစ်များ

2Atha 13:14

Rîrîa mûrathi Elisha aarwarire mûrimû ûrîa watûmire akue, Joashi, mûthamaki wa Isiraeli nîwathiîre kûmûcerera. Nîwamûrîrîre akiugaga atîrî, “Vava, vava! Njamba îrîa îrarûagîrîra andû a Isiraeli!”

2Atha 2:12

Elisha nîwonire gîkaari kîu na akiugîrîria atîrî, “Ûûi vava, ûûi vava! Mûndû ûrî vinya, ûrîa ûrûagîrîra Isiraeli! Nîwathiî!” Nwatî Elisha ndaacoka kwona Elija rîngî. Elisha nîwacokire akîgwata nguo ciake ke mwene na agîitembûrania icunjî igîrî.

2Atha 5:13

Nwatî ndungata ciake nîciathiîre varî ke na ikîmwîra atîrî, “Mwathi wetû, kethîrwa mûrathi nîarakwîrîte wîke ûndû mûnene makîria-î, anga ndûngîka? Rîu ûrarega kwîthambia nîkî nîguo ûthere wata ûguo akwîrîte?”

2Atha 8:9

Kwoguo Hazaeli nîwocire kîveo na akîthiî gûtûnga Elisha. Aathiîre na indo cionthe mbaro cia kuuma Damesiki aikuuîte na mbarathi mîrongo îna (40). Rîrîa Hazaeli aakinyire kûrî Elisha, nîwamwîrire atîrî, “Ndungata yaku, mûvîcî wa Hadadi, mûthamaki wa Sîria andûma mbûke ngûrie kana nîakûvona mûrimû ûcio arwarîte.”

Luka 22:49

Rîrîa arutwa arîa maarî na Jesû moonire ûrîa kwathiîte gwîkîka, nîmaamûririe atîrî, “Mwathani, tûmatemange na mviû cietû?”

1Sam 24:19

Nî mûndû ûrîkû ûngînyita nthû yake na akamîrekereria îthiî atamîkîte ûûru? Ngai-Mûnene arokûrathima nîûndû wa ûguo wambîka ûmûnthî.

1Sam 24:4

Nao andû a Daudi nîmaamwîrire atîrî, “Gaka nîko kamweke gaku, nîûndû ûmûnthî nîguo mûthenya ûrîa Ngai-Mûnene aakwîrire atî nîakaanenganîra nthû yaku njararî ciaku, nawe nîûkaamwîka wa ûrîa wonthe ûkeenda kûmîka.” Nake Daudi nîwathiîre acemete na agîtinia gîcûrî Kîam nguo ya Saûlo îrîa ndaca atakûmenya.

1Sam 26:8

Abishai nîwerire Daudi atîrî, “Ngai nîanenganîrîte nthû yaku kûrî we ûmûnthî. Mbîtîkîria nîmûmunde na îtumû rîu rîake, nîmûmunda riita rîmwe nînîmûmundithanie na nthî, tînîmûmunda maita maîrî!”