2Atha 6:18 - ÎVUKU RÎA ÛVORO MWARO

¹⁸ Rîrîa andû a Sîria maathiîre kûrûa na Elisha, Elisha nîwavoire Ngai-Mûnene akîmwîra atîrî, “Nakûthaitha ûtûme andû aya matuîke itumumu!” Kwoguo Ngai-Mûnene nîwatûmire andû acio matuîke itumumu wata ûrîa Elisha aavoete.

2Atha 6:18 ပူးပေါင်းရင်းမြစ်များ

Kîam 19:11

Nîmaacokire magîtûma arûme onthe arîa maarî nja, mûnene na mûnini matuîke ndumumu nîguo matikavote kwona mûrango.

2Atha 6:19

Elisha nîwacokire akîmeera atîrî, “Îno tîyo njîra, na rîrî tîrîo îtûûra. Nûmîrîrai, na nîngûmûvira kûrî mûndû ûrîa mûracaria.” Nake nîwamavirire Samaria.

Ayubu 5:14

Marumagîrwa nî nduma kûnarî mûthenya, na maatataga mûthenya ta andû marî ndumarî.

Hosea 1:7

Nwatî nîngeguîra andû a Juda ntha na nîmavonokie. Nie Ngai-Mûnene Ngai wao nîngamavonokia, nwatî tî na vinya wa athigari a mbaara, kana rûviû rwa njûra kana mbaara, kana mbarathi, kana arîa mekaragîra mbarathi.”

Zakaria 12:4

Vîndî îo nîngaatûma mbarathi igwatwe nî guoya, na andû arîa mathiîcaga maciîkarîrîte matuîke ta agûrûki. Nîngaagitîra nyomba ya Juda, nwatî nîngatûma mbarathi icio ciîngî cionthe ituîke ndumumu.

Johana 12:40

“Ngai nîamatuîte atumumu, na akamaûmia ngoro, nîguo matikone na metho mao, na matigataûkîrwe ngororî ciao, wana matikanjokerere nîmavonie.”

Johana 9:39

Nake Jesû nîwaugire atîrî, “Nie naûkire gûkû nthî gûtucanîra ciira, nîguo atumumu mavote kwona na arîa monaga matuîke atumumu.”

Ciîko 13:11

Rîu Mwathani nîagûkûverithia. We nîûgûtuîka mûtumumu na gwa kavinda we ndûkaavotaga kwona ûtheri wa riûa.” Na vîndî wa îo Elimasi nîwatigire kwona na akîambîrîria kûrûra, akîgeragia gûcaria mûndû wa kûthiî amûtongoreretie amûnyitîte njara.

Aroma 11:7

Ûrîa kûrî nî atî Aisiraeli matiavota kûgîa na kîrîa maatwîre macaragia. Nwatî gakundi kanini karîa Ngai aathuurire nîkaavotire kûgîa na kîrîa maacaragia. Acio engî metirwe nî Ngai makîûrîria matû kîrong'oi.

Gûco 28:28

Ngai-Mûnene nîagaatûma mume ngoma, mûre metho na mûvîngîcîke meciria.