2Atha 5:27 - ÎVUKU RÎA ÛVORO MWARO

²⁷ Kwoguo we, na njiarwa ciaku nî mûnyitwa nî mûrimû ûcio mûcûku wa ngothi wa Namani na mûtûûre naguo tene na tene!” Nake Gehazi nîwaumire kûrî Elisha arî mûrwaru mûrimû mûcûku wa ngothi, mwîrî wake ûcerûvîte ta îra.

2Atha 5:27 ပူးပေါင်းရင်းမြစ်များ

2Sam 3:29

Ûru ûcio ûrocokerera Joabu na andû onthe a mûciî wake! Mûciî wake ûrogîa na mûndû ûrwarîte mûrimû wa gîcûnûnû kana mûndû ûrwarîte mûrimû mûcûku mûno wa ngothi, kana mûndû ûkûruta mawîra ma gûtuma vurana ta aka, kana mûndû ûragîrîtwe mbaararî, kana mûndû ûtarî na kîndû gîa kûrîa.”

2Atha 15:5

Ngai-Mûnene nîwaverithirie mûthamaki Azaria na njîra ya gûtûma anyitwe nî mûrimû mûcûku wa ngothi, ûrîa aarwarire nginya vîndî îrîa aakwire. Aatûûraga nyomba arî wenga. Mûvîcî Jothamu ûrîa warûngamagîrîra mûciî wa mûthamaki nîke watongoragia andû a vûrûri ûcio.

2Atha 5:1

Naamani ûrîa warî mûnene wa athigari a mbaara a mûthamaki wa Sîria nîwendetwe na agatîwa mûno nî mwathi wake, nîûndû na njîra yake Ngai-Mûnene nîwavete andû a Sîria vinya wa kûvootana. Aarî mûthigari njamba, nwatî arî mûrwaru mûrimû mûcûku wa ngothi.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Ntha 4:6

Ngai-Mûnene nîwerire Musa rîngî atîrî, “Igîrîra njara yaku kîthûrirî gîaku.” Nake nîwamigîrîre. Na vîndî îrîa aamîrutire, njara îo yacerûvîte ta îra ta mûndû ûrwarîte mûrimû mûcûku wa ngothi.

Hosea 10:13

Nwatî mûvandîte maûndû macûku, mûraketha maûndû matarî na kîvooto; nîmûrîte matunda ma ûthani wenyu. We Isiraeli, wevokire vinya waku wenga, na wîngî wa athigari aku a mbaara.

Alawi 13:10

Mûthînjîri-Ngai nîakaamûroria. Ethîrwa mûndû ûcio arî na îtoo rîîrî rîcerû ngothirî yake na rîgatûma njuîrî icerûve na rîrî na mavira,

Alawi 13:25

mûthînjîri-Ngai nîakaarîroria. Ethîrwa njuîrî irîa irî îvîrarî rîu igarûrûkîte igatuîka njerû na rîrî rîrikîru rûûorî, ûcio nî mûrimû mûcûku wa ngothi wambîrîrîtie kuuma îvîraarî, nake mûthînjîri-Ngai nîakaauga atî mûndû ûcio tî mûtheru.

Ndari 12:10

Rîrîa îtu rîaumire vau îgûrû rîa îgema, Miriamu nîwonekire arî na mûrimû mûcûku wa ngothi, na mwîrî wake wonthe ûcerûvîte ta îra. Rîrîa Aroni evûgûrire na akîona Miriamu arî na mûrimû mûcûku wa ngothi,

Ciîko 5:10

Wa rîmwe Safira nîwagwîre nthî magûrûrî ma Petero na agîkua. Rîrîa anake acio maatonyire kuo na makîmwîthîra arî mûkuû, nîmaamûrutire nja mamûkuuîte na makîthiî makîmûthika rwarurî rwa mûthuuriwe.

Ciîko 5:5

Na rîrîa Anania eegwire ciugo icio, nîwagwîre nthî na agîkua. Na andû onthe arîa meegwire ûvoro ûcio nîmegwire guoya mûno.

Ciîko 8:20

Nwatî Petero nîwamwîrire atîrî, “We wana mbeca icio ciaku mûroûra nîûndû we nîwîciragia atî nwa ûvote kûgûra kîveo Kîam Ngai na mbeca!

1Tim 6:10

Nîûndû wendi wa mbeca nîkîo kiumo Kîam maûndû marîa macûku monthe. Andû amwe matiganîrîtie wîtîkio wao nîûndû wa kwenda mbeca mûno na makagîa na ûrûrû na kîeva kîîngî ngororî ciao.

Josh 7:25

Nake Joshua nîwamûririe atîrî, “Akani watûretere thîna wîgana ûû nîkî? Ngai-Mûnene nîagûkûretera thîna ûmûnthî.” Nao andû onthe a Isiraeli nîmaarivire Akani na mathiga na agîkua na makîriva ciana ciake na mathiga igîkua na makîmavîvia vamwe na indo ciake.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!