2Atha 5:20 - ÎVUKU RÎA ÛVORO MWARO

²⁰ Gehazi, ndungata ya Elisha nîwaugire atîrî, “Taroria, mwathi wakwa nîwarega kwamûkîra kîrîa Naamani aramûreterete na nîwamûrekereria athiî. Nevîta na Ngai-Mûnene ûrîa ûtûûraga mwoyo, atî nînîmûrûmîrîria na îvenya na mboce kîndû kuuma kûrî ke.”

2Atha 5:20 ပူးပေါင်းရင်းမြစ်များ

1Atha 17:1

Mûrathi Elija wa kuuma Tishibe ya Gileadi nîwerire mûthamaki Ahabu atîrî, “Rîîtwarî rîa Ngai-Mûnene, Ngai wa Isiraeli ûrîa ûtûûraga mwoyo, ûrîa ndungataga, gûtikethîrwa kûrî na îme kana mbura îvinda rîa mîaka îno îrûmîrîrîte nginya rîrîa ngaauga.”

2Atha 13:19

Elisha nîwarakarirue nî mûthamaki na nîwamwîrire atîrî, “Ûngîaringa nthî maita matano kana matandatû, na nî ûngîethîrwa ûvootete andû a Sîria viû; nwatî rîu ûkaamavoota maita mathatû tu.”

2Atha 4:12

Nîwerire Gehazi, ndungata yake atîrî, “Îta mûndûmûka ûcio Mûshunemu.” Rîrîa mûndûmûka ûcio aaûkire na akîrûngama mbere ya Elisha,

2Atha 4:25

Kwoguo nîwambîrîrie rûgendo na akîthiî kîrîmarî gîa Karimeli, kûrîa Elisha aarî. Rîrîa Elisha aamwonire athiîte na kûrî ke, nîwerire Gehazi ndungata yake atîrî, “Taroria, ûûrîa mûndûmûka ûrîa Mûshunemu ûkîte!

2Atha 4:31

Gehazi nîwathiîre mbere yao na akigîrîra mûragi wa Elisha ûthiûrî wa kaana kau, nwatî gatiaruta mûgambo kana koneke takwa kangîriûka. Kwoguo Gehazi nîwacokire rîngî na agîcemania na Elisha na akîmwîra atîrî, “Kaana gatinaûkîra.”

2Atha 4:36

Elisha nîwetire Gehazi na akîmwîra atîrî, “Îta mûndûmûka ûcio Mûshunemu.” Nake nîwamwîtire. Rîrîa aathiîre varî ke kûu nyomba, Elisha nîwamwîrire atîrî, “Oca mûvîcîguo.”

2Atha 5:16

Nwatî Elisha nîwaugire atîrî, “Nevîta na Ngai-Mûnene ûrîa ûtûûraga mwoyo, ûrîa ndungatagîra, atî tînyamûkîra kîveo wanarî kîmwe.” Naamani nîwaringîrîrie Elisha amûkîre kîveo, nwatî Elisha nîwaregire.

2Atha 5:21

Kwoguo Gehazi nîwarûmîrîrie Naamani na îvenya. Rîrîa Namani oonire mûndûmûrûme amûkinyîrîrîte na îvenya, nîwaumire gîkaarirî gîake Kîam mbaara nîguo amûtûnge, na nîwamûûririe atîrî, “Nîkwa kûrî na thîna?”

2Atha 6:31

Mûthamaki nîwaugire atîrî, “Ngai-Mûnene arombûraga ethîrwa Elisha tîatinua kîongo ûmûnthî!”

2Atha 8:4

Nîwethîrîrie mûthamaki akîaragia na Gehazi ndungata ya Elisha. Mûthamaki eraga Gehazi atîrî, “Tambîra maûndû monthe manene marîa Elisha ekîte.”

2Atha 8:7

Elisha nîwathiîre Damesiki vîndî îrîa mûvîcî wa Hadadi, mûthamaki wa Sîria aarî mûrwaru. Rîrîa mûthamaki eerirwe atî Elisha aarî kûu,

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Ntha 20:17

“Ndûkerirîrie nyomba ya mûndû wîngî, wana kana wîrirîrie mûka. Ndûkerirîrie ndungata ya mûndû wîngî, ya mûndûmûrûme kana ya mûndûmûka, kana ndegwa yake kana mvunda yake kana kîndû gîake kîonthe.”

Ntha 20:7

“Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Nthi 26:16

Mûndû kîgûûta eciragia atî ke nî mûûgî gûkîra andû eengî arîa macokagia maûndû na ûmenyo.

Isaia 48:1

Tathikîrîriani ûndû ûyû, mue nyomba ya Jakovu, mue mwîtanîtue na rîîtwa rîa Isiraeli, mue mûrî a mûvîrîga wa Juda, arîa mwîvîtaga mûkîgwetaga rîîtwa rîa Ngai-Mûnene, na mugaga atî mûgoocaga Ngai wa Isiraeli, nwatî tîna njîra ya ma kana wagîrîru.

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Habakuku 2:9

We wîtongetie na indo irîa wocete na vinya, kaî wî na thîna-î, na nîûgeretie kwiga mûciî waku ûrî na thayû na ûtarî na thîna wanarî vanini.

Mathaayo 10:4

Simoni Mûzeloti, na Judasi Mûsikariota, ûrîa wacukanîrîre Jesû.

Mathaayo 26:9

Maguta mama nîmangîendua mbeca nyîngî ikînavewa athîni!”

Luka 12:15

Nake Jesû nîwacokire akîra andû onthe atîrî, “Îîmenyagîrîreni na mwîgitagîre kuumana na maûndû monthe ma ûkoroku, nîûndû mûtûûrîre wa ma wa mûndû ndwîthagîrwa ûthondeketwe nî ûtonga wana angîthîrwa mûndû ta ûcio atongete atîa.”

Luka 16:8

“Nakîo gîtonga kîu nîkîaganire mûmenyereri ûcio wa indo ûtaarî mwîvokeku na ûcio watûmîrîte wara mwîngî, nîûndû andû a gûkû nthî nî aara gûkîra andû arîa methagîrwa marî a ûtheri.”

Johana 13:2

Rîrîa Jesû na arutwa ake maarî metharî makîrîa irio cia kîvwaî, Ngoma aarî mwîkîru meciria ma gûcukanîrîra Jesû ngororî ya Judasi mûvîcî wa Simoni Mûsikariota.

Johana 6:70

Nake Jesû nîwamacokerie atîrî, “Na kinthî nie tî nie naamûthuurire mûrî îkûmi na aîrî? Nwatî ûmwe gatagatîrî kenyu nî ngoma!”

Ciîko 5:2

Vuva wa kûrîkanîra na mûka, Anania nîwetigarîrie mbeca imwe nacio icio ciîngî akîinenganîra kûrî atûmwa.

2Tim 4:10

Nîûndû Dema nîmûndiganîriu na akathiî Thesalonike nîûndû wa kwenda maûndû ma gûkû nthî. Kiresike nîwathiîre Galatia, nake Tito akîthiî Dalamatia.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

1Pet 5:2

mûrîthagie ndîthia îrîa Ngai aamûvere. Rûmenyagîrîreni mûrî na wendi na tî ûndû wa kûringîrîrua. Ûguo nîguo Ngai endaga mwîke. Rutagani wîra wenyu mûrî na wendi ûrîa wa ma wa gûtungata na tî ûndû wa kwenda mbeca.

1Sam 14:39

Nie nîngwîvîta na Ngai-Mûnene ûrîa ûtûûraga mwoyo, ûrîa ûvotithagia andû a Isiraeli kûvootana atî, mûndû ûrîa ûkwîthîrwa arî na mavîtia nwanginya aûragwe, wana ethîrwa arî mûûriû wakwa, Jonathani.” Nwatî gûtirî mûndû wanarî ûmwe gatagatîrî ka andû acio onthe waugire ûndû.