2Atha 5:14 - ÎVUKU RÎA ÛVORO MWARO

¹⁴ Kwoguo Namani nîwathiîre rûnjîrî rwa Jorodani. Nîwetovokirie kuo maita mûgwanja, wata ûrîa eerîtwe nî mûrathi Elisha na nîwavonire viû na mwîrî wake ûgîkara ta wa kaana.

2Atha 5:14 ပူးပေါင်းရင်းမြစ်များ

1Atha 17:16

Wata ûrîa Ngai-Mûnene eeranîrîte kûvîtûkîrîra kûrî Elija, mûtu ndwathira mbakûrirî kana maguta mathira mûcuvarî.

2Atha 4:35

Elisha nîwacokire agîûkîra, agîceracera kûu nyomba, agîcoka agîtûa ûrîrî na agîîtambarûkia îgûrû rîa kaana kau rîngî. Kaana kau nîgaativire maita mûgwanja, na gagîcoka gakîvingûra metho mako.

2Atha 5:10

Elisha nîwatûmire ndungata îthiî îkamwîre athiî akethambîrie rûnjîrî rwa Jorodani maita mûgwanja na mûrimû wake nîûkûvona viû.

2Maû 20:20

Kîraûko tene, andû onthe a Juda na a Jerusalemu nîmaathiîre werûrî wa Tekoa. Mbere ya mambîrîria rûgendo Jehoshafati nîwamerire atîrî, “Tanthikîrîriani mue andû a Juda na a Jerusalemu! Îîvokeni Ngai-Mûnene, Ngai wenyu na nîmûkwîvanda. Îtîkiani ûrîa arathi ake makûmwîra na nîmûkûvootana.”

Ayubu 31:13

Ethîrwa nîndegete kûthikîrîria mateta ma ndungata yakwa ya mûndûmûrûme kana ya mûndûmûka, rîrîa maaretire mateta mao kûrî nie,

Ayubu 33:25

Mwîrî wake ûrogîa na vinya rîngî, arogîa na vinya ta wa mûndû mwîthî.

Ntha 4:7

Nake Ngai-Mûnene nîwerire Musa rîngî atîrî, “igîrîra njara yaku rîngî kîthûrirî gîaku.” Nake nîwekire guo. Na rîrîa aamîrutire vîndî îo njara îo yarî na vinya na nîyonekaga îkariî ta mwîrî ûcio wîngî.

Nthi 9:9

Thomithia mûndû mûûgî, na nîakaaûvîga makîria. Thomithia mûndû mûthingu na nîakoongerera ûmenyo.

Alawi 13:58

Nwatî angîthambia nguo îo na gîko kîu kîrege kwoneka rîngî, nîakaamîthambia riita rîa kaîrî na nîkaathera.”

Zakaria 13:1

Ngai-Mûnene augîte atîrî, “Vîndî îrîa kavinda kau gagaakinya, karûnjî nîgakaavingûrwa ga kûthambia nyomba ya Daudi na andû arîa matûûraga Jerusalemu mevia mao na maûndû mao marîa macûku.

Zakaria 14:8

Vîndî îo yakinya, manjî maro nîmakaanyûrûrûka maumîte Jerusalemu. Nuthu îmwe ya manjî mau îkaanyûrûrûkaga îthiîte îriarî rîa mwena wa îrathîro, nayo nuthu îo îngî îkaanyûrûrûkaga îthiîte îriarî rîa mwena wa îthûîro. Manjî mau makaanyûrûrûkaga vîndî cionthe, vîndî ya riûa na vîndî ya mvevo.

Luka 4:27

Wana vîndî ya mûrathi Elisha, kwarî na andû eengî maarwarîte mûrimû mûcûku wa ngothi, vûrûrirî wa Isiraeli nwatî gûtirî wana ûmwe wao watherirue tiga Naamani ûrîa warî Mûsîria.”

Luka 5:13

Nake Jesû nîwatambûrûkirie njara yake, akîmûvutia na akîmwîra atîrî, “Nie nîngwenda, ûrothera!” Nake Mûndû ûcio warwarîte mûrimû mûcûku wa ngothi nîwavonire wa rîmwe.

Johana 2:5

Ng'ina wa Jesû nîwacokire akîra ndungata atîrî, “Îkani ûndû wa wonthe ûrîa ke akûmwîra mwîke.”

Tito 2:14

Ke nîwevecanire nîûndû wetû nîguo atûkûûre kuuma kûrî waganu wa mîthemba yonthe na atûtue andû atheru ake ke mwene, na andû meriragîria gwîka maûndû maro.

Josh 6:4

Athînjîri-Ngai mûgwanja wa mûthînjîri-Ngai akuuîte karumbeta ka rûvîa rwa ndûrûme nîmakaathiîcaga matongoreretie îthandûkû rîa kîrîkanîro. Naguo mûthenya wa mûgwanja nîmûkathiûrûrûka îtûûra rîa Jeriko maita mûgwanja nao athînjîri-Ngai makîvuvaga tûrumbeta.