2Atha 5:13 - ÎVUKU RÎA ÛVORO MWARO

¹³ Nwatî ndungata ciake nîciathiîre varî ke na ikîmwîra atîrî, “Mwathi wetû, kethîrwa mûrathi nîarakwîrîte wîke ûndû mûnene makîria-î, anga ndûngîka? Rîu ûrarega kwîthambia nîkî nîguo ûthere wata ûguo akwîrîte?”

2Atha 5:13 ပူးပေါင်းရင်းမြစ်များ

Kîam 41:43

Nîwacokire akîmûva ngari ya mbarathi ya kûmûkuua îrîa yarî ya kaîrî. Nîwamûvere andû a kûmûrangagîra nîguo mathiîcage nake makîanagîrîra atîrî, “Thengutani njîrarî! Thengutani njîrarî!” Kwoguo Josefu nîwatuirwe mûrûngamîrîri wa vûrûri wonthe wa Misiri.

1Atha 20:23

Benihadadi, mûthamaki nîwerirwe nî ndungata ciake atîrî, “ngai cia Aisiraeli nî ngai cia irîmarî na kîu nîkîo gîatûmire matûvoota. Nwatî ethîrwa tûkaarûîra nao kûndû gûkû kwaraganu, nwanginya tûkaamavoota.

1Atha 20:31

Ndungata ciake nîciamwîrire atîrî, “Nîtwîguîte atî athamaki a Isiraeli marî ntha. Twîtîkîrie twîrigice nguo cia macakaya ciûnorî cietû na twîrigice mîkanda ngingorî cietû tûthiî kûrî mûthamaki wa Isiraeli, avota kûrega gûkûûraga.”

2Atha 13:14

Rîrîa mûrathi Elisha aarwarire mûrimû ûrîa watûmire akue, Joashi, mûthamaki wa Isiraeli nîwathiîre kûmûcerera. Nîwamûrîrîre akiugaga atîrî, “Vava, vava! Njamba îrîa îrarûagîrîra andû a Isiraeli!”

2Atha 2:12

Elisha nîwonire gîkaari kîu na akiugîrîria atîrî, “Ûûi vava, ûûi vava! Mûndû ûrî vinya, ûrîa ûrûagîrîra Isiraeli! Nîwathiî!” Nwatî Elisha ndaacoka kwona Elija rîngî. Elisha nîwacokire akîgwata nguo ciake ke mwene na agîitembûrania icunjî igîrî.

2Atha 5:10

Elisha nîwatûmire ndungata îthiî îkamwîre athiî akethambîrie rûnjîrî rwa Jorodani maita mûgwanja na mûrimû wake nîûkûvona viû.

2Atha 5:3

Mûthenya ûmwe mwîrîtu ûcio nîwerire mûndûmûka ûcio mwathi wake atîrî, “Narî kethîrwa mwathi wakwa nwa athiî kûrî mûrathi ûrîa ûtûûraga Samaria! Ûcio nwa amûvonie mûrimû ûcio wake mûcûku wa ngothi.”

2Atha 6:21

Rîrîa mûthamaki wa Isiraeli oonire andû a Sîria nîwaûririe Elisha atîrî, “Vava, nîmaûrage? Nîmaûrage?”

2Atha 8:9

Kwoguo Hazaeli nîwocire kîveo na akîthiî gûtûnga Elisha. Aathiîre na indo cionthe mbaro cia kuuma Damesiki aikuuîte na mbarathi mîrongo îna (40). Rîrîa Hazaeli aakinyire kûrî Elisha, nîwamwîrire atîrî, “Ndungata yaku, mûvîcî wa Hadadi, mûthamaki wa Sîria andûma mbûke ngûrie kana nîakûvona mûrimû ûcio arwarîte.”

Thaburi 51:2

Nthambia waganu wakwa wonthe, ûnthambie mevia makwa!

Thaburi 51:7

Ntheria, na nî ngûthera; nthambia, na nî ngûcerûva gîkîra îra.

Isaia 1:16

Îîthambieni, îîtherieni; tigani gwîka maûndû macûku marîa monaga mûgîka. Tigani gwîka maûndû macûku,

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Mathaayo 23:9

Namue mûtiagîrîrwe nî gwîta mûndû wana ûrîkû ‘Vava’ gûkû nthî, nîûndû mûrî na îthe ûmwe tu ûrîa ûrî îgûrû.

Johana 13:8

Nake Petero nîwaugire atîrî, “We ndûngînthambia magûrû!” Nake Jesû nîwamûcokerie atîrî, “Ethîrwa tîngûthambia magûrû, ndûgûcoka gûtuîka mûrutwa wakwa.”

Johana 9:7

na akîmwîra atîrî, “Thiî ûkethambie metho îriarî rîa Siloamu.” (Siloamu nî kuga “Ûrîa mûtûme.”) Kwoguo mûndû ûcio nîwathiîre akîîthambia na agîcoka akîonaga.

Ciîko 22:16

Na rîu wetererete Ndûî? Ûkîra ûvoe Ngai, ûvatithue na nîûkwoverwa mevia maku.’

1Akor 1:21

Kûringana na ûûgî wake, Ngai nîwatûmire andû matikaamûmenye na njîra ya ûûgî wao. Vandû va ûguo, na njîra ya ndûmîrîri îo îtucagwa ya “ûrimû” îrîa tue tûvunjagia, Ngai nîwatuire atî nîakaavonokia arîa mamwîtîkîtie.

1Akor 1:27

Nwatî Ngai nîwathuurire maûndû marîa andû matucaga nî ma ûrimû nîguo aconorithie arîa aûgî, na nîwathuurire arîa matucagwa nî andû atî matirî vinya nîguo aconorithie arîa methagîrwa marî na vinya.

1Akor 4:15

Nîûndû wana ethîrwa mûrî na arimû matangîtarîka mûtûûrîrerî wenyu wa Ûkristiano, mûrî na îthe ûmwe tu. Na nîûndû wa kwîthîrwa mûrî na ûrûmwe na Jesû Kristû, nînatuîkire îthe wenyu na njîra ya kûmûkinyîria Ûvoro Mwaro.

Tito 3:5

nîwatûvonokirie. Tûtiavonokirue nîûndû wa ûrîa twekîte ciîko mbaro, nwatî nîûndû wa ntha ciake. Aatûvonokirie na njîra ya Roho Mûtheru ûrîa watûtheririe, agîtûciara rîngî na agîtûva mwoyo mûcerû.

Ahib 10:22

Kwoguo nîtûthiîni vakuvî na Ngai tûrî na ûvoro wa ma ngororî cietû, wîtîkio wa ma na tûrî na ngoro ntheru na thamiri cietû itagwîcuka na mîîrî yetû îthambîtue na manjî matheru.

1Pet 3:21

Na manjî mau maringithanagua na ûvatithio ûrîa rîu ûmûvonokagia. Ûvatithio tî wa kûthambia mûndû gîko Kîam mwîrî, nwatî nî kîîranîro kûrî Ngai kiumîte thamirirî mbaro. Ûvatithio ûcio ûmûvonokagia na njîra ya kûriûka gwa Jesû Kristû,

Kûguû 7:14

Nanie nînamûcokerie atîrî, “Mwathani, nie ndiîcî, we nîwe wîcî.” Nake nîwambîrire atîrî, “Andû aya nîo marîkîtie kûvîtûkîra mathînarî meengî. Nao nîmathambîtie nguo ciao na nthakame ya Gatûrûme igatuîka cia rangi njerû.

1Sam 24:11

Taroria, vava, taroria wone gîcûrî Kîam nguo yaku îrîa ndaca gîkî nyitîte! Nîngîkûragire, nwatî vandû va gwîka ûguo nie nîndinirie gîcûrî gîkî Kîam nguo yaku. Kwoguo menya atî nie ndirî na meciria ma kûregana nawe kana ma gûgwîka ûûru. Ndirî mûkûvîtîriu wana ethîrwa nîûrenda kûmbûraga.

1Sam 28:23

Saûlo nîwaregire na akiuga ndakûrîa wanarî kîndû. Nwatî ndungata ciake vamwe na mûndûmûka ûcio nîmaamûringîrîrie arîe nginya agîtîkîra. Nîwaûkîrire kuuma nthî na agîkarîra gîtanda.

1Sam 9:10

Nake Saulo nîwerire ndungata îo yake atîrî, “Rîu nî rîciria rîaro tiga tûthiî.” Kwoguo nîmathiire îtûûrarî kûrîa mûndû ûcio wa Ngai atûûraga.