2Atha 5:11 - ÎVUKU RÎA ÛVORO MWARO

¹¹ Nwatî Naamani nîwarakarire na akîthiî akiugaga atîrî, “Nînîciragia nîaûka arûngame varî nie na amvoere kûrî Ngai-Mûnene, Ngai wake na ambararie njara ciake îgûrû rîa gûkû ndwarîte na amvonie!

2Atha 5:11 ပူးပေါင်းရင်းမြစ်များ

Kîam 20:7

Nwatî rîu, cokia mûndûmûka ûyû kûrî mûthuuriwe. Mûthuuri ûcio wake nî mûrathi, na nîagûkûvoera nîguo ndûgaakue. Nwatî ethîrwa tîûmûcokia, nîrakwîra nama atî we nîûgûkua vamwe na andû aku onthe.”

2Atha 4:5

Kwoguo mûndûmûka nîwatigîre Elisha na akîthiî agîtonya nyomba marî na avîcî. Nîwavingire mûrango, agîoca tûguta tûu tûnini na akîambîrîria gûtwîkîra nyûngûrî icio wa akînengagîrîrua cio nî avîcî.

2Atha 5:10

Elisha nîwatûmire ndungata îthiî îkamwîre athiî akethambîrie rûnjîrî rwa Jorodani maita mûgwanja na mûrimû wake nîûkûvona viû.

2Atha 5:12

Kinthî nyûnjî cia gwetû Damesiki, Abana na Faripari tî mbaro gûkîra nyûnjî cionthe cia Isiraeli? Kinthî ndingîîthambîrie kuo na ngavonua?”

Nthi 1:32

Nîûndû irimû ikucaga ciarega kûthikîrîria ûtaaro, na andû arîa aritu mathiragua nî ûrimû wao.

Nthi 13:10

Andû arîa etîi matûmaga kûgîe na ngucanio. Nwatî arîa mathikagîrîria mataaro nîmagîcaga ûûgî.

Nthi 3:7

Ndûkeyone we mwene ûrî mûûgî; îîtigîre Ngai-Mûnene, na ûtigane na maûndû macûku.

Mathaayo 15:27

Nake mûndûmûka ûcio nîwamûcokerie atîrî, “Îî nîguo Mwathani, nwatî wana ngui nîirîcaga rwîtîki rûrîa rûgûcaga kuuma metharî ya mwene cio.”

Mathaayo 19:22

Rîrîa mwanake ûcio eegwire ûguo, nîwathiîre arî na kîeva kîngî mûno nîûndû aarî mûndû mûtongu.

Mathaayo 8:8

Nwatî mûnene ûcio wa athigari îgana a Roma nîwamûcokerie atîrî, “Mwathani! Nie ndirî mwagîrîru atî nîguo ûke gwakwa nyomba. Nwatî athana tu, na ndungata yakwa nî îkûvona.

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Johana 13:20

Nie nîramwîra ûvoro wa ma atî, mûndû wa wonthe wamûkagîra mûndû ûrîa ndûmîte wa nanie nîanyamûkagîra. Nake mûndû wa wonthe ûnyamûkagîra nîwamûkagîra ûrîa wandûmire.”

Johana 4:48

Jesû nîwerire karani ûcio atîrî, “Gûtirî mûndû wana ûmwe gatagatîrî kenyu ûgeetîkia atonete ciama na morirû.”

Ahib 12:25

Kwoguo îîmenyerereni na mûtikarege kwîgua mûndû ûrîa ûkwaria. Andû arîa maaregire kwîgua ûrîa wavecanaga ndûmîrîri kuuma kûrî Ngai matiavonoka. Wa natue tûtingîvonoka ethîrwa nwa tûrege kwîgua ûrîa waragia kuuma îgûrû!