2Atha 4:5 - ÎVUKU RÎA ÛVORO MWARO

⁵ Kwoguo mûndûmûka nîwatigîre Elisha na akîthiî agîtonya nyomba marî na avîcî. Nîwavingire mûrango, agîoca tûguta tûu tûnini na akîambîrîria gûtwîkîra nyûngûrî icio wa akînengagîrîrua cio nî avîcî.

2Atha 4:5 ပူးပေါင်းရင်းမြစ်များ

2Atha 4:4

Mûcoke mûtonye nyomba mûrî na avîcî aku, mwîvingîre ndaarî, na wîkîre tûguta tûu nyûngûrî icio cionthe. Wa nyûngû yecûra ûkamiga kamwena.”

2Atha 4:6

Rîrîa nyûngû cionthe ciecûrire mûndûmûka nîwaûririe kana varî na nyûngû îngî yatigarîte. Nake ûmwe wa avîcî nîwamwîrire atîrî, “Gûtirî nyûngû îngî.” Maguta nîmaacokire magîtiga kuuma.

2Atha 5:11

Nwatî Naamani nîwarakarire na akîthiî akiugaga atîrî, “Nînîciragia nîaûka arûngame varî nie na amvoere kûrî Ngai-Mûnene, Ngai wake na ambararie njara ciake îgûrû rîa gûkû ndwarîte na amvonie!

Luka 1:45

Kûrathimwa nîwe nîûndû nîwetîkirie atî ndûmîrîri ya Mwathani kûrî we nî îkûvinga.”