2Atha 4:43 - ÎVUKU RÎA ÛVORO MWARO

⁴³ Nwatî ndungata yake nîyamûririe atîrî, “Irio ino nîikwîgana andû îgana rîmwe?” Nake Elisha nîwamwîrire atîrî, “Manengere marîe, nîûndû Ngai-Mûnene augîte, atî nîmarîa na matigarie.”

2Atha 4:43 ပူးပေါင်းရင်းမြစ်များ

Ndari 11:13

Andû aya onthe mararîra makîmbîraga nîmave nyama marîe; nînîmarutîra kû?

Ndari 11:23

Nake Ngai-Mûnene nîwacokerie Musa atîrî, “Anga vinya wakwa wîthagîrwa ûrî na kîthimi? Eterera wone kana ûrîa mbugîte tîgûtuîkîka!”

Mathaayo 14:20

Andû onthe nîmaarîre na makîvaa. Nao arutwa nîmaacokire makîûngania matigari na magîcûra ciondo îkûmi na igîrî.

Mathaayo 15:37

Nao andû onthe nîmaarîre na makîvaa. Na arutwa nîmaacokire makîûngania ciondo mûgwanja ciîcûrîte cienywa cia mîgate îrîa yatigarîte.

Maariko 8:20

Nake Jesû nîwacokire akîmaûria atîrî, “Î narîo rîrîa nenyûrangîre andû arîa ngiri inya mîgate îrîa mûgwanja, mwaûnganirie ciondo ciîgana ciîcûrîte cienywa cia mîgate?” Nao nîmaamûcokerie atîrî, “Twaûnganirie ciondo mûgwanja.”

Maariko 8:4

Nao arutwa ake nîmaamûririe atîrî, “Nîva werûrî ûyû mûndû angîruta irio mbîganu cia kûvaithia andû aya onthe?”

Luka 9:13

Nwatî Jesû nîwerire arutwa ake atîrî, “Mue manengereni kîndû mangîrîa.” Nao arutwa nîmaamûcokerie atîrî, “Tue tûtirî na irio ciîngî tiga mîgate îtano na nthamaki igîrî, tiga nwanga tûthiîre kûgûra irio cia kûrîwa nî andû aya onthe.”

Luka 9:17

Rîrîa andû onthe maarîre na makîvaa, arutwa nîmaaûnganirie cienywa irîa ciatigarîte, na cienywa icio igîcûra ciondo îkûmi na igîrî.

Johana 6:9

“Ava varî na kamwana karî na mîgate îtano ya mûtu wa cairi na nthamaki igîrî, nwatî ino itingîgana andû aya onthe.”