2Atha 4:27 - ÎVUKU RÎA ÛVORO MWARO

²⁷ Nwatî rîrîa mûndûmûka ûcio aakinyire kûrî Elisha vau kîrîmarî, nîwanyitire magûrû ma Elisha. Nake Gehazi nîwathiîre vakuvî nîguo amûthengutie vo, nwatî Elisha nîwamwîrire atîrî, “Tigana nake, nîûndû arî na ûndû ûramûthînia mûno ngororî; na Ngai-Mûnene nîanthithîte ûndû ûcio, akarega kûmbîra.”

2Atha 4:27 ပူးပေါင်းရင်းမြစ်များ

Kîam 18:17

Marî wa vau Ngai-Mûnene nîweîrire atîrî, “Ndingîthitha Iburahimu ûrîa nîrenda gwîka,

2Sam 7:3

Nake Nathani nîwacokerie mûthamaki atîrî, “Îka wa ûrîa wonthe ûreciria gwîka, nîûndû Ngai-Mûnene arî vamwe nawe.”

2Atha 4:25

Kwoguo nîwambîrîrie rûgendo na akîthiî kîrîmarî gîa Karimeli, kûrîa Elisha aarî. Rîrîa Elisha aamwonire athiîte na kûrî ke, nîwerire Gehazi ndungata yake atîrî, “Taroria, ûûrîa mûndûmûka ûrîa Mûshunemu ûkîte!

2Atha 4:26

Vinyûra ûmûtûnge na ûmûrie kana nî mwaro, kana mûrûme nî mwaro, na kana mûvîcî nî mwaro.” Nake mûndûmûka nîwerire Gehazi atîrî, “Maûndû monthe nî maro.”

2Atha 6:12

Ûmwe wa ndungata ciake nîwaugire atîrî, “Ûûi, mwathi wakwa mûthamaki gûtirî mûndû wanarî ûmwe. Nwatî mûrathi Elisha nîke wîraga mûthamaki wa Isiraeli maûndû marîa waragia ûrî nyombarî îrîa ûmamaga.”

Ayubu 10:1

“Nie ndirî na vata na ûtûûro wakwa! Nîngwaria mateta makwa ndarî na guoya. Nîngwaria nîrî na ûrûrû mwîngî ngororî.

Nthi 14:10

Mûndû nîke ûmenyaga thîna wake ke mwene. Gûtirî mûndû ûngîmenya ûrîa mûndû wîngî akwîgua.

Nthi 18:14

Mwîrîgîrîro wa gûtûûra mwoyo nîûtûmaga mûndû eyûmîrîrie rîrîa arî mûrwaru, nwatî mwîrîgîrîro ûngîthira gûtirî mûndû ûngîvota kwîyûmîrîria.

Amosi 3:7

Nama gûtirî ûndû Ngai-Mûnene Mwene Vinya wonthe ekaga, ataûguûrîrîtie arathi ndungata ciake.

Mathaayo 15:23

Nwatî gûtirî ûndû Jesû aamûcokerie. Nao arutwa ake nîmaathiîre kûrî ke na makîmûthaitha makîmwîra atîrî, “Îra mûndûmûka ûyû athiî! Ke nîaranegena mûno atuumîte vuva.”

Mathaayo 20:31

Nakîo kîrîndî nîkîamakanirie na gîkîmeera makire. Nwatî o nîmaugîrîrie mûno atîrî, “Mwathani, Mûrû wa Daudi, Twîguîre ntha!”

Mathaayo 28:9

Na wa rîmwe Jesû nîwaumîrîre aka acio na akîmeera atîrî, “Gîani na thayû.” Nao nîmaathiîre kûrî ke na makîmûgooca manyitîte magûrû make.

Maariko 10:13

Nao andû amwe nîmaavirîre Jesû twana nîguo atwigîrîre njara, nwatî arutwa ake makîmakaania.

Maariko 14:6

Nwatî Jesû nîwamerire atîrî, “Tiganani nake! Mûramûthînia nîkî? Mûndûmûka ûyû nîwambîka ûndû mwaro mûno.

Luka 7:38

Nake mûndûmûka ûcio nîwaturirie maru vakuvî na magûrû ma Jesû akîambîrîria kûrîra, na methori marîa maaumaga akîrîra nîmeetîkîre na magîconja magûrû ma Jesû. Nake mûndûmûka ûcio nîwagiririe methori mau na njuîrî ciake, agîcoka akîmumunya magûrû na akîmavaka maguta.

Johana 15:15

Nie ndigûcoka kûmwîta ndungata rîngî, nîûndû ndungata ndîthagîrwa îkîmenya ûrîa mûmîathi areka. Vandû va ûguo nînîmwîta arata, nîûndû nînîmûmenyithîtie maûndû monthe marîa mbîguîte kuuma kûrî Vava.

Johana 4:27

Na kavinda wa kau arutwa a Jesû nîmaacokire na makîmaka mûno methîrîria Jesû akîaria na mûndûmûka. Nwatî gûtirî mûrutwa wana ûmwe waûririe Jesû atîrî, “Nîndûî ûrenda kuuma kûrî ke,” kana amûrie atîrî, “Ûraria nake nîkî?”

1Sam 1:10

Hana nîwegucaga ûrûrû mwîngî mûno ngororî yake, na nîwarîrire mûno na akîvoya kûrî Ngai-Mûnene.