2Atha 25:3 - ÎVUKU RÎA ÛVORO MWARO

³ Mûthenyarî wa kenda, mwerirî wa kana mwakarî wa ûcio, yûra nîrîanenevire mûno îtûûrarî rîu nginya gûgîtura kîndû andû mangîrîa vûrûrirî.

2Atha 25:3 ပူးပေါင်းရင်းမြစ်များ

2Atha 25:2

Kwoguo îtûûra rîu nîrîarigicîrue nginya mwakarî wa îkûmi na ûmwe Zedekia arî mûthamaki.

2Atha 6:24

Vuvarî, Benihadadi, mûthamaki wa Sîria nîwatongoririe athigari ake onthe a mbaara na makîthiî makîrigicîria îtûûra rîa Samaria.

2Atha 6:25

Nîkwagîre na yûra înene mûno kûu îtûûrarî rîa Samaria. Benihadadi na athigari ake nîmekarire marigicîrîtie îtûûra rîa Samaria nginya kîongo Kîam mvunda gîkendagua tûcunjî mîrongo înana (80) twa sîlûva nacio ngiramu magana maîrî (200) cia mai ma îcîa ikendua tûcunjî tûtano (5) twa sîlûva.

Isaia 3:1

Rîu Mwathani Ngai-Mûnene mwene vinya wonthe, nîakûthengutîria Jerusalemu na Juda mwîvoko wao, mwîvoko wao wa irio na wa manjî.

Jeremia 19:9

Nthû nîikaarigicîria îtûûra rîu na kûgeria kûûraga arîa matûûraga kuo. Nîmagaatûma kûgîe na thîna nene mûno kûu îtûûrarî rîu, na andû mambîrîrie kûrîcana o ene; andû nîmakaarîcaga ciana ciao cia anake na cia erîtu.’

Jeremia 37:21

Kwoguo mûthamaki Zedekia nîwathanire Jeremia aigwe kûrîa arangîri mekaraga. Nake nîwavecagwa mûgate wa mûthenya kuuma kûrî andû arîa marugaga mîgate nginya mîgate îkîthira yonthe kûu îtûûrarî. Kwoguo Jeremia eekaraga kwa arangîri.

Jeremia 38:2

Ngai-Mûnene augîte atî, “Mûndû wa wonthe ûgatigwa vûrûri ûyû nîakaaûragîrwa mbaararî, aûragwe nî yûra na mîrimû. Nwatî ûrîa ûkaumîra na evecane kûrî Akalidei nîagaatûûra mwoyo na avonokie mwoyo wake.

Jeremia 39:2

Mûthenya wa mûgwanja wa mweri, mwaka wa îkûmi na ûmwe wa ûthamaki wa Zedekia rûthingo rwa îtûûra nîrwatûrirwe mwanya.

Jeremia 52:6

Na mûthenya wa kenda wa mweri wa kana, yûra nîrîacacire mûno îtûûrarî rîu, atî gûtiarî kîndû andû akuo mangîarîre.

Ezek 14:21

Ngai-Mûnene arauga atîrî, “Nîngûverithia Jerusalemu na maûndû mana: Mbaara, yûra, nyamû mbaganu cia kîthakarî na mîrimû mîcûku nîguo andû mathire, na nyamû ithire.

Ezek 5:10

Kwoguo, aciari nîmakaarîa ciana ciao mûkîonaga, nacio ciana irîe aciari a cio. Nîmue ngaaverithia, nao arîa magaatigara gatagatîrî kenyu matakuîte nîngamanyagania na mîena yonthe.”

Ezek 5:12

Gîcunjî kîmwe Kîam ithatû Kîam andû enyu, nîmagaakua nî mûrimû mûcûku na yûra marî kûu mûrî; gîcunjî kîmwe Kîam ithatû kîngî nîgîgaakuîra mbaararî kûu îtûûrarî; gîcunjî kîu kîngî Kîam ithatû nîngaakînyagania nthî yonthe na njoke nîkîrûmîrîrie na rûviû.

Ezek 7:15

“Nakûu nja kûrî mbaara, nakuo matûûrarî kûrî na mûthiro na yûra. Arîa marî na kûu mîgûndarî magaakua marî mbaararî; na arîa marî îtûûrarî makaathirua nî yûra na mîrimû.

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Zakaria 8:19

“Kwînyerekia mweri wa kana, mweri wa gatano, mweri wa mûgwanja, wa mweri wa îkûmi igaatuîka irugo cia gîkeno na thayû kûrî andû a Juda. Kwoguo rûmagîrîrani ûvoro wa ma na wa thayû.”