2Atha 25:27 - ÎVUKU RÎA ÛVORO MWARO

²⁷ Mwakarî ûrîa Evilimerodaki aatuîkire mûthamaki wa Babuloni, nîwaeguîrîre Jehoiakini mûthamaki wa Juda ntha na akîmûrekereria kuuma njera. Mûthenya wa mîrongo îîrî na mûgwanja (27) wa mweri wa îkûmi na îîrî mwaka wa mîrongo îthatû na mûgwanja kuuma Jehoiakini avirwa îthamîriorî nîrîo aarekereerue kuuma njera.

2Atha 25:27 ပူးပေါင်းရင်းမြစ်များ

Kîam 40:13

Mîthenya îthatû îkîthira, mûthamaki wa Misiri nîagûkûruta njeera, akwovere na agûcokie wîrarî waku. Nawe ûgacoka kûnengagîra mûthamaki gîkombe wata ûrîa watwîre wîkaga rîrîa warî mûmenyereri wa ndivei yake.

Kîam 40:20

Mûthenya wa kathatû kuuma vîndî îo, warî wa gûkûngûîra gûciarwa kwa mûthamaki wa Misiri. Kwoguo nîwarûthîre ndungata ciake cionthe kîrugo. Nîwarutire mûnene wa amenyereri ndivei vamwe na mûnene wa arugi mîgate njeera, na akîmavira mbere ya ndungata ciake.

2Atha 24:12

Jehoiakini, mûthamaki wa Juda, ng'ina, anake ake, athigari ake, wana ndungata cia nyomba yake nîmerekererie kûrî mûthamaki wa Babuloni. Jehoiakini aanyitirwe mûgwate mwakarî wa kanana (8) Nebukadinezarû arî mûthamaki wa Babuloni.

2Atha 24:15

Nebukadinezarû nîwavirire Jehoiakini Babuloni vamwe na ng'ina, aka ake, ndungata ciake, na atongoria a vûrûri wa Juda, marî mîgwate.

Nthi 21:1

Ngai-Mûnene nîke wathaga meciria ma mûthamaki, nîamerekagîria kûrîa akwenda.

Jeremia 22:26

Nîngaamûnyitithia mûrî na nyûkwe ûrîa wamûciarire mûvirwe vûrûrirî mûgeni, vûrûri ûcio tîguo mwaciarîrwe na mue muoîrî nîkuo mûgaakuîra.

Jeremia 28:4

Wana nîngûcokia Jekonia mûvîcî wa Jehoiakimu gûkû, vamwe na andû onthe a Juda arîa maatavîtwe makîvirwa Babulonia. Nîngaunanga îcoki rîa mûthamaki wa Babulonia. Ûguo nîguo nie Ngai-Mûnene nauga.”

Jeremia 38:17

Jeremia nîwacokire akîra Zedekia atîrî, “Ngai-Mûnene Ngai wa Isiraeli augîte atî, ûngîtîkîra we mwene kwîvecana kûrî atongoria a mûthamaki wa Babuloni, nîûkwîvonokia we mwene na ûvonokie îtûûra rîîrî rîtikavîvue na mwaki, na we vamwe na andû a mûciî waku nîmûgûtûûra mwoyo.