2Atha 24:18 - ÎVUKU RÎA ÛVORO MWARO

¹⁸ Zedekia aarî na ûkûrû wa mîaka mîrongo îîrî na ûmwe (21) rîrîa aatuîkire mûthamaki wa Juda, na nîwathanire arî Jerusalemu îvinda rîa mîaka Îkûmi na ûmwe (11). Ng'ina eetagwa Hamutali, mwarî wa Jeremia, kuuma îtûûrarî rîa Libuna.

2Atha 24:18 ပူးပေါင်းရင်းမြစ်များ

2Atha 23:31

Jehoahazi aarî na ûkûrû ma mîaka mîrongo îîrî na îthatû (23) rîrîa aatuîkire mûthamaki wa Juda na nîwathanire arî Jerusalemu îvinda rîa mîeri îthatû (3). Ng'ina eetagwa Hamutali mwarî wa Jeremia, kuuma îtûûra rîa Libuna.

2Maû 36:11

Zedekia aatuîkire mûthamaki arî na ûkûrû wa mîaka mîrongo îîrî na ûmwe (21) na aathanire arî Jerusalemu îvinda rîa mîaka îkûmi na ûmwe (11).

Jeremia 21:1

Îno nîo ndûmîrîri îrîa yakinyîre Jeremia yumîte kûrî Ngai-Mûnene, rîrîa mûthamaki Zedekia aatûmire Pashuri mûvîcî wa Malikia, na Zefania mûthînjîri-Ngai mûvîcî wa Maseia, makamwîre atîrî,

Jeremia 27:1

Kîambîrîriarî Kîam wathani wa Zedekia mûvîcî wa Josia mûthamaki wa Juda, kiugo nîgîakinyîre Jeremia kuuma kûrî Ngai-Mûnene.

Jeremia 28:1

Mwaka wa ûcio, mweri wa gatano mwaka wa kana Zedekia arî mûthamaki wa Juda, Hanania mûvîcî wa Azuri, mûrathi kuuma îtûûra rîa Gibeoni, nîwaririe nanie nîrî hekarûrî, na mbere ya athînjîri-Ngai na andû onthe na akiuga atîrî,

Jeremia 37:1

Nebukadinezarû mûthamaki wa Babuloni nîwathuurire Zedekia mûvîcî wa Josia atuîke mûthamaki wa Juda vandûrî va Konia mûvîcî wa Jehoiakimu.

Jeremia 49:34

Îno nîyo ndûmîrîri îrîa yakinyîre Mûrathi Jeremia yumîte kûrî Ngai-Mûnene mwene vinya wonthe îgiî îtûûra rîa Elamu, rîrîa mûthamaki Zedekia ambîrîrie kwathana vûrûrirî wa Juda.