2Atha 24:15 - ÎVUKU RÎA ÛVORO MWARO

¹⁵ Nebukadinezarû nîwavirire Jehoiakini Babuloni vamwe na ng'ina, aka ake, ndungata ciake, na atongoria a vûrûri wa Juda, marî mîgwate.

2Atha 24:15 ပူးပေါင်းရင်းမြစ်များ

2Atha 20:18

Anake amwe aku, arîa ûciarîte we mwene nîmakaathiîwa nao na matuwe ngaramba nîguo matungatage mûciî kwa mûthamaki wa Babuloni.”

2Atha 24:8

Jehoiakini aarî na ûkûrû wa mîaka îkûmi na înana (18) rîrîa aatuîkire mûthamaki wa Juda, na nîwathanire arî Jerusalemu îvinda rîa mîeri îthatû (3). Ng'ina eetagwa Nehushita, mwarî wa Elinathani, kuuma Jerusalemu.

2Atha 25:12

Nwatî nîwatigire andû amwe arîa maarî athîni mûno kûu Juda nîguo mamenyagîrîre mîthabivû na marutage wîra mîgûndarî.

2Atha 25:21

Nebukadinezarû nîwarivire andû acio na akîmaûragîra kûu Ribula vûrûrirî wa Hamathi. Kwoguo andû a Juda nîmaarutirwe vûrûrirî wao na makîvirwa îthamîriorî.

2Atha 25:27

Mwakarî ûrîa Evilimerodaki aatuîkire mûthamaki wa Babuloni, nîwaeguîrîre Jehoiakini mûthamaki wa Juda ntha na akîmûrekereria kuuma njera. Mûthenya wa mîrongo îîrî na mûgwanja (27) wa mweri wa îkûmi na îîrî mwaka wa mîrongo îthatû na mûgwanja kuuma Jehoiakini avirwa îthamîriorî nîrîo aarekereerue kuuma njera.

1Maû 9:1

Andû onthe a Isiraeli nîmaandîkirwe mûtaratara wao kûringana na njiarwa ciao. Marîîtwa mao nîmaandîkirwe îvukuurî rîa athamaki a Isiraeli. Andû a Juda maavirîtwe îthamîriorî Babuloni nîûndû wa kûrega gûtuîka evokeku kûrî Ngai.

2Maû 36:10

Îvinda rîa mvevo rîa mwaka, mûthamaki Nebukadinezarû nîwatûmanire Jehoiakini agîrwe na avirwe Babuloni vamwe na indo cia goro cia hekarû. Nebukadinezarû nîwacokire agîtua Zedekia, mûrwang'ina na Jehoiakini mûthamaki wa Juda na Jerusalemu.

Esita 2:5

Kûu Susa, kwarî na Mûyahudi wetagwa Moridekai mûvîcî wa Jairi. Nake Jairi aarî mûvîcî wa Shemei, Shemei aarî mûvîcî wa Kishu wa mûvîrîga wa Benjamini.

Esita 2:6

Moridekai aarî ûmwe wa andû arîa maatavîtwe vamwe na Jekonia mûthamaki wa Juda ûrîa watavîtwe na akathamîrua Babuloni nî mûthamaki Nebukadinezarû.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 29:2

Jeremia aandîkire maarûa îo vuva wa mûthamaki Jekonia, mûthamaki mûndûmûka, andû ngaramba, anene a Juda na Jerusalemu, mavundi na aturi kûvirwa îthamîriorî.

Jeremia 52:28

Ûyû nîguo mwîgana wa andû arîa Nebukadinezarû aatavire: Mwaka wa mûgwanja wa wathani wake aatavire Ayahudi ngiri îthatû na mîrongo îrî na athatû (3,023);

Ezek 17:12

“Rîu arîria andû acio aremi ûmaûrie kana nîmaicî ûrîa ngerekano îo yugîte. Meere atî mûthamaki wa Babuloni nîwaûkire Jerusalemu na agîoca mûthamaki wa Jerusalemu wa vamwe na atongoria ake na akîthiî nao Babuloni.

Ezek 17:13

Nîwocire mûndû ûmwe wa mûciî wa mûthamaki wa Jerusalemu na akîthondeka kîrîkanîro nake na agîtûma evîte. Nîwarutire andû arîa marî njamba vûrûrirî na akîthiî nao,

Ezek 17:3

na ûmere nie Ngai-Mûnene mbugîte atî kwarî na nderi nene mûno yarî na mathagu manene. Mathagu maruo maarî na mbûî nyîngî ndaca cia rangi mwanya mwanya. Nderi îo nîyagûrûkire na îkîthiî kîrîmarî Kîam Lebanoni rûkîgwa îgûrû rîa mûtarakwe.

Ezek 19:9

Nîwekîrirwe icûvî na ûkîvingîrwa vandû vatumîtwe ta rûgara, na ûkîvirwa kûrî mûthamaki wa Babuloni. Nîwavingîrwe kûndû kûgitîre, nîguo mûraramo waguo ndûkeguîke rîngî irîmarî cia Isiraeli.

Danieli 1:3

Mûthamaki Nebukadinezarû nîwathire Ashipenazi ûrîa warî mûnene wa ndungata ciake, athuure anake a Isiraeli, kuuma mîciî ya anene na ya andû arîa atîîkanu.