2Atha 24:14 - ÎVUKU RÎA ÛVORO MWARO

¹⁴ Nebukadinezarû nîwathiîre na andû onthe a Jerusalemu marî mîgwate: nao maarî anene onthe na arûme onthe arîa maarî njamba. Onthe maarî andû ngiri îkûmi (10,000). Nîwathiîre na andû onthe arîa maarî na ûûgî wa kûruta wîra, na arîa maaturaga indo cia cuuma. Gûtirî mûndû watigirwe Juda tiga andû arîa maarî athîni.

2Atha 24:14 ပူးပေါင်းရင်းမြစ်များ

2Atha 24:16

Mûthamaki wa Babuloni nîwanyitire andû onthe a vata na akîmavira Babuloni marî mîgwate. Onthe maarî andû ngiri mûgwanja (7,000) na andû ngiri îmwe (1,000) arîa maarî na ûûgî wa kûruta wîra, wana andû arîa maaturaga indo cia cuuma, na arûme onthe arîa maarî na vinya na agîrîru a kûrûa.

2Atha 25:12

Nwatî nîwatigire andû amwe arîa maarî athîni mûno kûu Juda nîguo mamenyagîrîre mîthabivû na marutage wîra mîgûndarî.

1Maû 9:1

Andû onthe a Isiraeli nîmaandîkirwe mûtaratara wao kûringana na njiarwa ciao. Marîîtwa mao nîmaandîkirwe îvukuurî rîa athamaki a Isiraeli. Andû a Juda maavirîtwe îthamîriorî Babuloni nîûndû wa kûrega gûtuîka evokeku kûrî Ngai.

Ezira 2:1

Andû eengî arîa maarî îthamîriorî vûrûrirî wa Babuloni nîmaaumire kuo na magîcoka Jerusalemu na Juda, wa andû matûûrarî mao. Andû acio maatavîtwe nî Nebukadinezarû mûthamaki wa Babuloni.

Nehemia 1:2

Ûmwe wa aa mûrwaiya wetagwa Hanani nîwakinyire aumîte Juda arî gîkundirî Kîam andû engî. Nînaamaûririe ûvoro wîgiî Jerusalemu na ûvoro wîgiî Ayahudi etû arîa maaumîte îthamîriorî Baabuloni.

Esita 2:6

Moridekai aarî ûmwe wa andû arîa maatavîtwe vamwe na Jekonia mûthamaki wa Juda ûrîa watavîtwe na akathamîrua Babuloni nî mûthamaki Nebukadinezarû.

Isaia 3:2

Nîakûthengutia andû arîa njamba na athigari, atucanîri ciira na arathi, aragûri na athuuri,

Jeremia 27:20

irîa Nebukadinezarû mûthamaki wa Babuloni atakuuwa rîrîa ocire Jekonia mûvîcî wa Jehoiakimu mûthamaki wa Juda na andû arîa atîîkanu onthe a Juda na Jerusalemu kuuma Jerusalemu na akîmavira îthamîriorî.

Jeremia 28:4

Wana nîngûcokia Jekonia mûvîcî wa Jehoiakimu gûkû, vamwe na andû onthe a Juda arîa maatavîtwe makîvirwa Babulonia. Nîngaunanga îcoki rîa mûthamaki wa Babulonia. Ûguo nîguo nie Ngai-Mûnene nauga.”

Jeremia 29:2

Jeremia aandîkire maarûa îo vuva wa mûthamaki Jekonia, mûthamaki mûndûmûka, andû ngaramba, anene a Juda na Jerusalemu, mavundi na aturi kûvirwa îthamîriorî.

Jeremia 39:10

Nebuzaradani mûnene wa arangîri a mûthamaki, nîwatigire andû onthe arîa maarî athîni na mataarî wanarî kîndû kûu Juda, na akîmava mîgûnda ya mîthavibu wa vamwe na mîgûnda ya kûrîma.

Jeremia 40:7

Anene onthe a athigari a mbaara vamwe na andû ao nîmegwire atî mûthamaki wa Babuloni nîwathuurîte Gedalia mûvîcî wa Ahikamu atuîke mûnene wa vûrûri. Wana nîmegwire atî nîwamûtuîte mûrûngamîrîri wa arûme, aka, na ciana na andû arîa athîni arîa mataavirwa îthamîriorî Babuloni.

Jeremia 52:16

Nwatî Nebuzaradani mûnene wa arangîri a mûthamaki nîwatigire andû amwe arîa maarî athîni mûno matuîke a kûmenyagîrîra mîthavibu na a kûrîma.

Jeremia 52:28

Ûyû nîguo mwîgana wa andû arîa Nebukadinezarû aatavire: Mwaka wa mûgwanja wa wathani wake aatavire Ayahudi ngiri îthatû na mîrongo îrî na athatû (3,023);

Ezek 17:14

nîguo ûthamaki ûcio ûthire vinya, na wathîkagîre kîrîkanîro Kîamo na mûthamaki wa Babuloni.

Ezek 17:3

na ûmere nie Ngai-Mûnene mbugîte atî kwarî na nderi nene mûno yarî na mathagu manene. Mathagu maruo maarî na mbûî nyîngî ndaca cia rangi mwanya mwanya. Nderi îo nîyagûrûkire na îkîthiî kîrîmarî Kîam Lebanoni rûkîgwa îgûrû rîa mûtarakwe.

Mathaayo 1:11

Josia aarî îthe wa Jekonia vamwe na ariû a îthe. Îvindarî rîrîa ciana cia Isiraeli ciathamîîrue Babuloni.

Mathaayo 1:12

Vuva wa îthamîrio Babuloni, Jekonia aarî îthe wa Shealitieli, nake Shealitieli aarî îthe wa Zerubabeli.

Mathaayo 1:17

Kwoguo kwarî na njiarwa îkûmi na inya, kuuma vîndî ya Iburahimu nginya vîndî ya Daudi. Na kwarî na njiarwa ciîngî îkûmi na inya kuuma vîndî ya Daudi nginya vîndî ya îthamîrio rîa Babuloni. Wana kwarî na njiarwa ciîngî îkûmi na inya kuuma vîndî ya îthamîrio rîa Babuloni nginya vîndî ya gûciarwa kwa Mesaya.

Gûco 28:36

“Ngai-Mûnene nîakaamûvira vamwe na mûthamaki wenyu vûrûri mûgeni kûrîa mue wana methe menyu mataicî. Mûrî kûu mûgaatungatagîra ngai ng'eni irûthîtwe na mîtî na mathiga.

1Sam 13:19

Vîndî îo gûtiarî mûturi wa indo cia cuuma wanarî ûmwe vûrûrirî wonthe wa Isiraeli, nîûndû Afilisiti nîmaageretie mûno kûgiria Ahibirania mathondeka mviû na matumû.